《李喬小說─寒夜》

 | | | 轉寄

變(16)

作者 李喬 漢羅翻寫：Suingi 2011.09.04

　　第二日，阿漢他，lâu心愛 ke燈妹母女擱ti一旁，毅然離開蕃仔林。

　　他緊想：燈妹再三叮嚀他，懇求他「mò-oi」幹某一種mak-ke行業。奇怪ke he，燈妹樣m̀肯講出「mò-oi幹」ke he「mak-ke行業」？燈妹yi像一開始就認定他定著會幹「該種」行業樣仔。燈妹憑mak-ke恁仰肯定喏？燈妹正經知？知mak-ke？

　　其實，他自家也m̀知liá一去oi幹mak-ke。看來he燈妹比他還瞭解自家啦？

　　該，樣燈妹會有恁仰ke認定喏？

　　燈妹講：去搶去盜？抑he去偷？Liá就he要求他「mò-oi」去幹ke「行業」？當然m̀ he。當清楚，燈妹講白了，就表示要求他「mò-oi」ke，定著m̀ he驚他做強盜抑he小偷。該——

　　「你正經m̀知燈妹所指ke he mak-ke？」

　　你正經自家也m̀知自家oi去幹mak-ke？或者講，你一點腹案都mò？

　　又或者講，你根本就有了腹案，自家m̀肯承認？還he連自家也瞞騙一番？定著he恁仰，故所正pûn燈妹也看出來了；燈妹m̀肯直講出來，he 驚pha萬一揣m̀著，liá一講出來顛倒變成暗示了？He恁呢？他一再盤問自家。

　　心ke奧底，sṳ̀有隻朦朧模糊ke答案。他知。他也早就發覺自家ti欺瞞自家；m̀過，自家yi快就諒解了自家ke liá種自我欺瞞。

　　當然，心頭還he一片茫然，一團酸楚與惆悵。Ti通往大湖街ke路項，他試著來往ke路人都ti窺視他；m̀，人們ke面孔都he漠然ke，he路唇ke草木林野ti窺視他，天地山川ti默默凝視他；他打一下眼光底背聽到一片嘆息聲，還有歡呼聲，稱讚聲。

　　他又聽到幽細ke噭聲。該he小嬰仔ke，還有燈妹……想到燈妹，滿腦海滿眼前，全he燈妹ke音容謦欬。

　　「燈妹：放心吧，ngài會保重，會pûn妳帶轉好好ke老公……」他想。他心肝肚反覆又反覆liá句話。後來liá句話就尋m̀著tui奈開頭，也m̀知仰仔結束正好。只好緊ti心肝肚講。

　　他實在m̀知尋mak-ke頭路正好，也m̀知「mò-oi」幹mak-ke行業。

　　他也m̀知奈正he目的地，他單淨漫mò目標ke行路，或者講he信步而行，自自然向前行去。

　　他到了大湖街。他行出大湖街，向左轉折往南面去。他行過「竹篙屋」，經過「小邦口」，通過「閂門棍」，下一ke斜坡，來到南湖隘勇寮。

　　「剁三刀」堵好ti獨自lîm米酒。Lîm到醉醺醺ke喏。差m̀多認m̀出他he麼人，一見面就嘟嘟噥噥，yi像訴講mak-ke牢騷，同時還lâu瓶子交pûn他，硬oi他lîm幾口，他記得，「剁三刀」m̀ he恁仰ke。

　　他接過酒瓶，咕嚕咕嚕正經lîm了起來，又換幾口氣就lâu米酒全部lîm忒。他he肚屎飢飢lîm ke。他正放下酒瓶，人就翻天倒海ke支持不住了。Yi 像麼人扶了他一把。M̀，he pûn人架起來ke。身體yi像pûn拋置ti硬仃仃ke木板項。他就恁仰睡忒。