《李喬小說─寒夜》

 | | | 轉寄

變(15)

作者 李喬 漢羅翻寫：Suingi 2011.08.28

　　「你拿mak-ke畜活？」阿強伯本旦下決心m̀發譴，忍m̀核又發譴大喊起來：「告訴你：憑若能耐，畜活自家都還m̀-la——當初就mò想著你正經he一ke軟腳蟹！」

　　「當初he你，要求ngài留下來ke。」他也發譴了。

　　「當初he oi你抱隘，做隘勇，你liá-ha樣仔？」

　　「Liá m̀ he ngài mò-oi做啊！Ngài乜he拼命ti做工……」

　　「好啦好啦，恁仰：你自家揇孩子去畜，屋仔pûn你tai，m̀過，伙食，你自家去想辦法，做得mò？」

　　「Sṳ̀講，pûn ên『出去』？」

　　「好，就pûn你一儕人『出去』好le。」

　　「Pûn阿燈妹也『出』。」

　　「發夢，發若大頭夢！Oi燈妹『出』？做得，拿六對銀十二元來，十分簡單。」

　　「恁絕情！」他脫口講。

　　「M̀ he絕情，阿漢。」阿強伯顛倒冷靜下來：「Mò奈何，實在he mò奈何啊！Ên除忒蕃薯青菜充饑，實在mò閒錢哪！你知mò？Liá種又弱又殘，ti母胎就餓壞ke細人仔，三不二時就會發病，就oi白花花ke銀仔！」

　　「該……」他沈吟當久，想m̀出具體ke辦法，m̀過他還he講： 「恁仰好mò？燈妹母女留ti蕃仔林，ngài一人出外去，去賣命弄錢，拿轉來畜活佢兩儕，做得mò？」

　　「你……到奈弄錢？」

　　「M̀知。」他想想，還he講：「就闖闖，臺灣島恁大，敢去賣命，總會有路可行。」

　　看起來，pha老丈人he默許？有一息活命ke錢就好辦。He，有錢就做得活命，可憐ke小妹仔啊！Liá就pûn妳弄錢活命去啦。他對等mò知mò識ke小嬰仔，ti心肝肚大聲講。

　　「Ngài做m̀得阻擋你。」聽了他ke解說後燈妹講：「阿漢，你sṳ̀為ên兩子哀，正去打拚，著mò？」

　　「嗯。」他忍m̀核伸手去miâ小嬰仔ke小面。

　　「手屙糟，放開——該，ngài求你，定著oi保重身體。」

　　「嗯，會。」

　　「安全第一。」

　　「知。Ngài，ngài又m̀ he細人仔。」他又伸手……

　　「該，你到底想去做mak-ke？奈一行頭路？」

　　「……m̀知。」

　　「阿漢：ngài求你，mò-oi！定著mò-oi！」燈妹又目汁闌干：「你知，ngài m̀肯你幹哪一行ke，he mò？Mò-oi，好mò？」

　　「好。Ngài……ngài m̀就he。」他講。其實他有兜茫然。

　　「阿漢，頭那擎起來，仰m̀看ngài？」

　　「嗯？樣仔？」他正經靦腆ke頭那擎起來，卻m̀敢凝目盯過去。

　　「就恁仰，看等ngài回答ngài。」燈妹凝盯著他：「Mò-oi！定著mò-oi！就算……就算ên兩子哀餓死，也mò-oi……」

　　「好。燈妹，ngài m̀會。」他輕揉燈妹ke手臂，該he當軟當細ke手髀啊。他暗自清清喉嚨，目ngiap-ngiap仔，講：「妳好好看顧孩子，ngài yi快就會轉來，帶錢轉來。」