《李喬小說─寒夜》

 | | | 轉寄

出草，著天釣(13)

作者 李喬 漢羅翻寫：Suingi 2009.10.04

　　新年前後ke出草事件，ti蕃仔林，淨he一場虛驚定定。

　　山村ke春天，腳步異像特別慢。

　　山谷肚，he一團白霧；茂密擁向天際ke原始林，罩上一片濛濛糊糊ke白紗；崎項ke幾棟茅草屋仔，也隱入茫茫白霧。

　　東方ke白霧，不知不覺抹上一絲乳黃；乳黃色yi快轉為卵黃，再tui卵黃轉為錦黃……

　　Liá時節，白霧開始緩緩挪移，定定仔浮動，漸漸變形；然後飃浮，飛騰……

　　再往該錦黃色東方望去，一下，一粒圓圓軟軟ke日頭，既經滑過枝椏，輕輕游上半空。

　　崎項該片，人影晃動，男人粗烈ke嗓音中夾雜著鷄啼狗吠聲。

　　雖然春天ke腳步慢，它，畢竟來了。

　　Liá時節，彭家兩老，日夜想ke he屘子人秀lâu花囤女燈妹圓房ke事。

　　當然做m̀得舖張，m̀過總he彭家一大事；而且遷到蕃仔林就màng識請左鄰右舍食過一餐飯，實在m̀好意思；假使借liá名目，請大家lîm杯淡酒，該是最好。M̀過。自家乜oi墊貼一息仔；問題he樣仔也墊貼m̀起啊。

　　Liá-he十分得人惱ke事。

　　另外，固然花囤女ke圓房，m̀ he大紅轎khâi來ke大姑娘，需要聘金禮餅項鍊手鐲liá兜東西。但he pûn燈妹縫幾領洗換ke新衫，特別he拜堂時著ke一套體面衫褲，樣仔都做m̀得無。

　　「阿媽，ngài該領。借燈妹，將就一下啦。」芹妹講。

　　「Liá個……m̀，m̀好，ko來也忒大。」阿強婆堅決拒絕。她絕不答應借芹妹做新娘穿ke衫褲……。

　　「該就做新ke！描金鑲銀ke盡好。」芹妹冷冷講。

　　「He oi pûn燈妹一領體面ke，卡好。」人傑講。

　　阿強伯本人也很想pûn燈妹一點面風。

　　事實上，ti心肝肚深處，他十分痛惜liá個花囤女。最初ke原因he燈妹ke身世，使他由衷ke憐憫同情。

　　燈妹he一個棄嬰。正降下來，màng曾剪斷臍帶就pûn豁到豬欄角去，he黃姓人家替嬰兒「斷臍」ke。黃家lâu liá個棄嬰賣pûn葉家當養女——葉家降下三個月ke嬰兒夭折，凊採埋了，就用liá個棄嬰冒頂夭折ke嬰兒；「燈妹」liá個名字也he套用ke。

　　葉家收養燈妹mò幾久，屋家忽然接二連三發生事故。經算命先生批斷：原來燈妹lâu葉家爺ôi相沖相剋，必須趕緊送走。燈妹命中註定三父三母，故所再tui別人領養就做得「禁制」她ke「沖煞」。

　　「沖煞破去以後。Liá個女子將he宜室宜家ke好pû-ngiòng哩。」算命先生講。

　　彭家，用一塊銀外加十斤赤糖買下燈妹，作為「花囤女」。

　　Liá個苦命壞命ke花囤女，總算mò pûn彭家帶來禍害，而且十幾年來，一直he án-ngiòng勤奮耐勞柔順乖巧；lâu自家親生妹仔比起來，燈妹實在he勝過多多。

　　有時節，老伴難免左袒妹仔，pûn燈妹受著委屈。他心肝肚十分不忍lâu不滿，但he他知，liá類事情他m̀好過問。因為他he「家官」；家官he做m̀得替心舅撐腰講話mak-ke ke。


　　M̀過liá-ha，燈妹總算熬出頭了。Lâu人秀圓房以後，就he堂堂ke屘子心舅，m̀ he形同家犬家貓ke花囤女。


　　 Án-ngiòng一想，阿強伯心肝肚著實愉快又安慰。然而，也就he因為án-ngiòng。想到自家竟然連pûn燈妹一件拜堂ke體面衫褲都做m̀出來，心肝肚就隱隱作痛。


　　Liá兜，都總he心事罷了。外表上，他還是he冷肅又威嚴。