《李喬小說─寒夜》

 | | | 轉寄

出草，著天釣(3)

作者 李喬 漢羅翻寫：Suingi 2009.07.26

　　除忒liá塊「生田」，四周he緩緩搖曳ke綠海。Liá片除忒tui小溪，半山腰，下擺仔m̀知樣仔滾入來一團冷風以外。Ke繁茂豐盛ke林木草叢底背，實在見m̀到隆冬ke影子。

　　綠海底背，日頭yi像馴貓，輕柔地依偎ti人們ke身旁。

　　——「呦！阿妹」——

　　人華唱起山歌來啦。Liá個老二，拚硬工做粗活。總he唉聲嘆氣，至於玩樂方面，可是一等人才；ti彭家，唱山歌還kha he第一號人物；隨口編詞，流水對答：

　　「田邊種蔗（ㄙˇ），丈二長（ㄋㄚˊ）！ 　　倒頭啃（ㄌㄧㄛˇ），越啃（ㄚˇ）就越有糖（ㄋㄚˊ）， 　　呦！阿妹！」

　　人華瀟灑ke瞥大家一眼。看大家一臉粲然笑意，全神看自家表演，故所又唱下去：

　　「阿妹同俺（ㄙˇ）過埤塘（ㄋㄚˊ） 　　腰攬腰（ㄌ一ㄛˇ），雙雙（ㄚˇ）就去拜堂（ㄋㄚˊ）， 　　呦！阿妹！」

　　「好好！好喔！再來再來呵！」

　　「呦！阿妹唷！」

　　He阿強伯老身lâu人華對上啦！全家人都識聽過老阿爸出眾ke山歌，m̀過ke he長久以前ke事了；老阿爸既經異多年m̀唱山歌，今晡日，看樣仔老阿爸he暢快到極點。

　　「屋前屋背。草莽莽哪！ 　　一叢一叢，仔細拔哩， 　　三頭五日，拔光光咧， 　　阿妹同俺，備苦嚐哪！ 　　苦盡甘來時…… 　　雙雙老福享……唷！」

　　「哈哈！阿爸！唉唷！哈！」人秀還he半小孩子，居然逗起阿爸來啦。

　　「阿妹──指你阿媽啊！四十年前她m̀ he一個阿妹？」

　　──「唷！阿妹！」

　　聽，he老大人傑隔山來和了──