《編輯案頭》

 | | | 轉寄

轉載：《台灣鐵路lâu客家》紀錄片5/10首映

作者 2020.05.10

　　您知台鐵lâu客人yû ngióng-pân ke緣分mò？您知客人遍布全台，lâu鐵路yû關mò？您知阿里山yû因為林業鐵路正出現ke客家村mò？一部由客家委員會補助製作ke《台灣鐵路lâu客家》紀錄片五月十號阿姆節在民視無線台首映，客委會邀請您共下來看台灣鐵路lâu客人ke生命故事。

　　客委會表示，根據製作人薛雲峰ke研究發現，tui清末西元一八八七年起勢，台灣鐵路ke發展，一直lâu客家yû深厚ke淵源，包含鐵路承包商、築路工人大體tu he客家人，鐵路完工後，kì-teû成了頭一批ke鐵路員工。日治時期，配合開墾東部ke政策，當多客人外移to都市、做事所在，史稱「島內二次移民」，從此客家人遍布全台。台鐵飯包me十分yû名，m̀-ko當多人tu m̀-tî，飯包肚ke菜tu-he tui客家菜變化過來，還yû池上lâu嘉義奮起湖ke便當，tu yû醹醹ke客家味。

　　《台灣鐵路lâu客家》紀錄片yû三集，十號首映播出第一部曲《軌道尋客蹤》、十七號播出第二部曲《鐵道異鄉客》、二十四號播出第三部曲《鐵路傳客情》，一連三禮拜下晝五點半to六點在民視無線台播出，邀請大家準時收看，來看屬於客家ke鐵路風情。