《編輯案頭》

 | | | 轉寄

轉載：「轉芎林．地方創生駐地工作站」開幕

作者 2020.05.03

　　由客家委員會補助成立ke「轉芎林．地方創生駐地工作站」四月二十四號正式進駐新竹縣芎林鄉歷史建築金玉豐精米所，該空間打算用來客庄居民公共參與、青年返鄉、文化產業lâu地方創生。客委會主任委員李永得期盼在地年輕人提出芎林鄉未來發展藍圖，打造地方特色品牌，共同為保存客家文化，造福客家鄉親煞猛打拼。

　　李主委肯定鄉公所團隊lâu地方文史工作者ke團結，lâu tui地方事務ke高度認同，雖然單淨he一個細細ke工作站，相信kì做得促進地方發展，kì強調，客委會一定全力支持tui文化保存lâu地方發展好ke事情。

　　李主委me yû去北埔鄉，訪視龍瑛宗文學館。新竹縣政府文化局爭取客委會經費，lâu北埔國小側門旁ke北埔公學校日式宿舍改建成龍瑛宗文學館，目前既經完工，預計ti 九月開放。

　　李主委訪視後指出，新竹地區文風鼎盛，出了當多重量級ke作家，龍瑛宗ke文學作品深受各界肯定，龍瑛宗文學館完工後，voi為北埔地區ko添文化亮點，未來做得進一步結合北埔其他重要文化資產，siàng 還啊多國內外遊客來liau，帶動地方觀光發展。