《善雄牧園》

 | | | 轉寄

兒童教育(修訂版)

作者 邱善雄 2013.01.27

欣逢世界主日學紀念日，感謝主pûn ên-teû得有機會特別來談論細人仔ke問題。因為細人仔在ên-teû社會上、家庭上或者在聖經上都佔有極重要ke地位，像ên-teû常聞細人仔係國家未來ke主人翁，係家庭ke地基；主也講，天國ke享受權係像細人仔，liá樣更使ên-teû迫切來想細人仔ke問題。依照所定ke題目，pûn ên-teû知，對細人仔最要緊ke就係細人仔教育，ên-teû做得分三方面來想：

1. 家庭教育
細人仔最先lâu人接觸ke地方就係家庭，又細人仔最先受教育ke地方也係家庭，所以一ke人ke善惡品格都係自家庭爺ôi薰陶出來，liá樣ên-teû就知，在家庭爺ôi必須負起教育子女ke責任，因為liá樣做得影響至社會治安問題，m̀-ku ên-teû知教育細人仔古今也無相同lè; 前者為打罵法，顛倒養成倔強傲慢，後者為愛ke教育、讚美法，就係講，無用打罵教育，後者成果遠比前者大，ên-teû基督徒更m̀-oi取納前者。

2. 學校教育
現今ên-teû ke政府強迫學齡細人仔入學，liá係一個盡好ke現象，除去各地ke文盲，pûn每位細人仔都有機會受國民教育，吸收科學嘗試lâu一般智識，成為國家優秀ke後繼者，九年國民義務教育就係細人仔ke福音。

3. 宗教教育（主日學教育）
Liá種教育係最重要ke一種，並m̀係ên-teû教會所注重，就係政府也盡重視ke教育法，m̀-ku所抱ke目標無相同定定。政府希望藉力於宗教之名來減輕社會問題、少年犯罪問題等，m̀-ku ên-teû教會所抱ke目標m̀係只有án-ngiòng定定。在經文中，講起有人帶賴仔就近主，要求主撫抱他teû嗎？特別其中一句講起oi主耶穌為賴仔所祈禱，liá就係一個盡好ke宗教知音，也就係成功ke教育，因為細人仔做得得主撫抱祝福係yit幸福。所以ên-teû做人爺ôi者，oi仿效liá-teû人，鼓勵ên-teû ke細人仔上禮拜堂讀主日學，因為在主日學內，做得使細人仔體驗上帝ke愛，基督ke救贖lâu完成一位健全ke基督徒，liá也就係ên-teû在主日學ke目標。所以宗教教育，ên-teû勢必做m̀得忽略，假使oi主耶穌祝福ên-teû ke子女，就oi帶領子女來就近主，願上帝祝福全世界ke 主日學生，成為一位真實ke基督徒，lâu美好ke人來榮光上帝聖名。