《善雄牧園》

 | | | 轉寄

你富足嗎(修訂版)

作者 邱善雄 2013.01.20

當主耶穌向眾人講天國ke福音時，聽眾中有一位請主耶穌代他lâu他兄弟分家業，因為liá人想主定著會盡公平來為他teû兄弟分家業，他也就免受損失（貪心ke緣故lè）。主耶穌看他係貪財者，也覺得大部分人民就係án-ngiòng,就向眾人警告應當約束自家，無好貪心，因為人ke生命m̀在於所累積ke財富，就隨時講一ke比喻來教示：「某地有一位有錢人，他有盡多土地，年收豐富……，後來改建新穀倉來收儲豐收ke穀，正當得意他ke富足時，上帝sa oi收回他ke靈魂……。」Ke他所得ke oi歸má人？他富有嗎？無！他一無所有，空手來又空手去。

各位主內兄姐，今晡日ên-teû oi在主面前反省自家係富足之前，抑或者「我自家ke財寶係積蓄。」對主ke話ên-teû已經明白ên-teû ke富足m̀係在liá世ke財物，係在來世，m̀係在人前富足，係在上帝面前富足，看oi ngióng般 ên-teû做成為上帝面前富足ke人。

各位主內兄姐，ên-teû敢也係每日為ên-teû上帝ke恩典。Ên-teû應當熱心服侍主，m̀好pûn世務阻礙ên-teû侍主敬拜上帝，把握機會，ên-teû信徒應該用侍奉敬神為中心來分配一切ke世務chang對，liá也係上帝所歡喜ke.

1. 積財在天
Ên-teû oi án-ngiòng來積財在天？敢係oi向天購買贖罪卷或者佛教徒ke燒銀紙喏？爭斷不斷，應該係ên-teû心服務教會，用真誠為主工作，用愛心來敬上帝愛兄弟也並多做善德之事，又ên-teû時常奉獻，liá都係ên-teû積財ke方法。

2. 使靈命豐盛：
Ên-teû做m̀得用財物來豐盛靈命，因為靈魂所需要m̀係物質生活係靈性生活，所以ên-teû oi勤讀聖經，祈禱lâu主交陪，盡量培養ên-teû ke靈魂歸向，上帝使之豐盛，成為上帝面前富足ke人。

你富足嗎？願ên-teû都成為靈性上富足人，m̀好做貪窮物質富足人。