《客家消息》

 | | | 轉寄

轉載：全國客家日tui 111年開始調整為1228「還ngài阿姆話運動日」

作者 2022.01.16

　　為彰顯全國客家日oi yû ke當代精神lâu意涵，回應客家基本法修正案立法院附帶決議，突顯客家族群發起公民運動，爭取語言發展，影響90年代對本土語言ke重視，客家委員會ti 111年一月六號公告調整十二月二十八號「還ngài阿姆話運動日」做「全國客家日」。「天穿日」he客庄當yû代表性ke民俗節慶，客家委員會共樣會繼續then-sú地方政府辦理相關節慶活動。

　　99年客家委員會以「天穿日」yû客家文化獨特性、國際發展性lâu mò族群排他性，故所選做「全國客家日」，m̀-ko，「天穿日」本旦he民俗節日，以北部客家認知度kha高，南部客家大體mò liá風俗，結果全國客家日在臺灣客家肚，產生南北mò共樣ke意見。

　　107年客家基本法修正，對全國客家日ke意旨，除忒彰顯客家貢獻以外，另有增修「促進各族群認識與共享客家文化價值」liá-teû文字。同年立法院審查客家基本法修正案通過附帶決議，因為「天穿日」訂做「全國客家日」yû爭議，無辦法透過全國客家日訂定，以成功凝聚全國客家族群意識，故所請客家委員會檢討當前全國客家日推動ke爭議，lâu十二月二十八號「還我母語運動日」、六月十四號「客委會成立日」列入主要討論選項。

　　客委會前依該附帶決議ti 107年五月辦理三場次「全國客家日公聽會」，各界意見雖然經過廣泛蒐整lâu談論，但he大家mò討論出結果。Vi聽著還啊多各地學者、專家lâu社會運動人士ke意見，重視各地客家社群ke心聲，110年八月十八號召開全國客家日調整方案諮詢座談會，大家tu支持以十二月二十八號「還我母語運動日」cho全國客家日。客委會調整以「還我母語運動日」cho全國客家日，以展現復振客語m̀-tân-chhiang he當代客家族群盡重要ke議題，ya呼應世界各國對保障少數族群語言ke重視。