《客家消息》

 | | | 轉寄

轉載：客家新書《Mase23.9°N源成七界內客家酒莊》

作者 2020.09.20

　　客家委員會九月十八號ti彰化二林鎮金玉湖酒莊辦理《Mase23.9°N源成七界內客家酒莊》新書發表會。書中寫出八家ti二林鎮ke本土葡萄酒莊客家第二擺移民ke故事，kì-teû勇敢hi新天地開山打林、種葡萄，後來雖然堵著WTOke衝擊，公賣局結束契作，但he客人ke硬頸精神，pûn kì-teû起酒莊、自創品牌，pûn大家看著客家kr勇氣lâu堅持。歡迎大家to誠品、墊腳石、諾貝爾liá-teû書局買來看。

　　客家委員會主任委員楊長鎮表示，在彰化二林源成七界yû一群，刻苦ke客家農民lâu風頭水尾ke土地開墾成肥沃ke農田，這群農民經歷過歷史上ke土地改革、開放外國水果進口台灣liá-teû大風大浪，展現出堅韌台灣水牛ke性格，包尾在公賣局停止收購後，發展出自家種ke葡萄自家釀，tui一級產業發展to三級產業，走過一段非常艱辛ke路。

　　楊長鎮講，希望透過liá本書ke推廣，pûn還啊多ke民眾知源成七界yu5an2好ke酒莊、yû án靚ke風景、盡甘甜ke葡萄酒，歡迎民眾yû時間做得to二林酒莊來旅行。客委會年底在高雄參與國際旅展，希望做得lâu源成七界ke酒莊小旅行包裝成為旅遊產品，在旅展中上架。

　　書中介紹在南彰化舊濁水溪畔ke沖積平原上，有pûn安做「源成七界」，ya就he今晡日ke彰化二林、竹塘、埤頭ke交界。Liá-pái客家公共傳播基金會出動「講客號」lâu空拍機，現場直播客家酒莊記者會，邀請客委會楊主委、金玉湖、蘭輝、鵬群頂、戀戀葡萄園四家酒莊主、行政院中部辦公室副執行長洪宗熠、文開國小校長詹雪梅上直播車，lâuu大家在空中談論源成七界內ke客家酒莊he ngióng-è衝破生命線，釀出聞名全國知名ke葡萄酒香。