《客家消息》

| | | 轉寄

轉載:2020搖滾童謠音樂Party

  Vi著傳揚客家音樂,pûn客家音樂向下扎根,客家委員會特別邀請金曲製作人劉劭希老師創作「洗手歌」、「Kids of rock」、「Do Re Mi」lâu「大家來運動」liá-teû洗腦客家搖滾童謠,tui九月二十二號開始,帶等「客家搖滾兒童團」hi國小進行校園巡演,客委會主任委員楊長鎮希望透過現代好聽ke客家搖滾童謠,做得顛覆大家tui客家音樂ke刻板印象,大家共下來唱客家歌。客委會希望tui學校、生活開始做起,ti學校推動客語沉浸式教學,ya ti日常生活中推廣、創作好聽yu好唱ke客家音樂。

  「2020搖滾童謠音樂Party」首站就ti 九月二十二號新北市中和區秀山國小,十月十三號to臺中市新社區新社國小,十月二十號to桃園市中壢區新街國小,十月二十七號to新竹縣竹東鎮竹東國小,十一月三號to屏東縣內埔鄉內埔國小,十一月十號to宜蘭縣宜蘭市育才國小,包尾,十一月二十四號會去苗栗縣頭屋鄉頭屋國小,從北to南串聯國小校園,用一場場ke搖滾音樂會,傳揚客家文化,歡迎大家lâu小朋友共下搖滾客家!