《戀戀台灣客家文學》

 | | | 轉寄

短劇：藍衫ke秘密(中)

作者 Suingi 2026.05.24

(音樂社社長輕手輕腳，吹直笛上臺，東看西看)
音樂社社長：這片就he客家社？
音樂社社長：嘿嘿~(笑)
音樂社社長：喂~有人在mò？(向臺下大聲喊)
音樂社社長：哈！就聽著貓仔狗仔聲，mò人mò人！哇哈哈！(大笑。吹直笛， 快樂亂行、亂跳)
音樂社社長：ngai3he音樂社社長，講來實在還衰過，人人愛報客家社，ngài个社團 狗就mò。(哀愁)
音樂社社長：過án nè，音樂社voi倒咧！(噭)
音樂社社長：(振作)vi tó音樂社ke未來，ngài決定來客家社打探藍衫ke秘密。
音樂社社長：(行到臺前，神神秘秘lâu觀眾講話)聽講，客家社做得成為學校打頭名ke社團，he因為一領神奇个藍衫。
音樂社社長：這下堵好mò人，ngài來尋看啊，mò定，ngài得著佢，音樂社就yû救啦！(快樂)
音樂社社長：(斡頭尋藍衫)
(客家社社長lâu副社長上臺，發現音樂社社長，面轉向觀眾，當疑狐，恬聲行到音樂社社長後背)
客家社社長：請問~你在做麼个？
音樂社社長：唉！恬恬啊！莫吵ngài！(惡豺豺仔)
客家社副社長：你在尋東西喺？
音樂社社長：著啦！Ngài在尋……(發現怪怪仔，斡頭看著客家社社長lâu副社長)
音樂社社長：啊~~(嚇著)
客家社社長lâu副社長：啊~~(嚇著)
音樂社社長：你……你兜來客家社做麼个？(聲音緊顫)
客家社社長：ngài he客家社社長阿溫牯。
客家社副社長：ngài he客家社副社長阿廷牯。
客家社社長：你he麼人？來客家社做麼个？
音樂社社長：(嚇到結巴) ngài ngài……ngài ngài ngài ngài~ ngài oi來加入客家社！ (客家社社長lâu副社長當疑狐)
客家社社長lâu副社長：(行to臺前，對等觀眾)有影mò？
客家社副社長：(拉社長to脣項，細聲講)唉唷！插佢yû影mò影，堵好做得拿佢試看啊！
客家社社長：he吼！有理~！(笑)
(客家社社長lâu副社長坐下來)
客家社社長：你講，你想加入客家社？
音樂社社長：he……he啊！
客家社副社長：ngióng試著你火燒豬頭——熟面熟面？
音樂社社長：哈~哈~ngióng yû可能？(心虛)
客家社社長：你想加入客家社，做得呀！M̀過，你oi通過考驗正做得入來。你敢mò？