《客語白話字聖經試讀版》

 | | | 轉寄

Mâ-khó Fuk-yîm thi 1 chông_07 Yâ-sû Yî-hó Mà-fùng Phiang-ngìn

作者 Hak-ngî Sṳn-kîn 2013.10.13

1:40 Yû yit-ke mà-fùng phiang-ngìn lòi khiù Kì, khúi-lo̍k-hi tui Kì kóng : “Ngì he hén, chhiu sṳ́ ngài chhiang-li.”

1:41 Yâ-sû fat-chhut lìn-mén, chhûn-sú miâ kì, tui kì kóng : “Ngài hén, ngì chhiang-li lé.”

1:42 Kì sṳ̂n-song ke mà-fùng-phiang chit-sṳ̀ lì-khôi ke ngìn, kì chhiu chhiang-li.

1:43 Yâ-sû kim-chṳ́ kì lâu phe̍t-ngìn kóng, chhiu chit-sṳ̀ ham kì lì-khôi.

1:44 Yu tui kì kóng : “Ngì oi se-ngi, m̀-hó tui ngìn kóng mak-ke; chúng-he chón-hi, pûn chṳ-sṳ̂ kiám-chhà, chhiu oi cheu Mô-sî só thin ke kûi-kí hien chi-vu̍t, tui chung-ngìn chṳn-mìn ngì yí-kîn chhiang-li lé.”

1:45 Chúng-he ke ngìn chhut-hi yî-heu, chhiu si-chhu siên-chhòn liá-ke sṳ, sṳ́-tó Yâ-sû mò fap-thu kûng-khôi ngi̍p-sàng, chhiu het chhai ngoi-poi, chhai khóng-yâ ke thi-fông; chung-ngìn chhiùng si-fông lòi chhìm Kì.