《客語漢羅聖經試讀版》

| | | 轉寄

約翰福音 第九章_1 醫好出世就瞙目ke人

9:1 耶穌在路上看到一個出世就瞙目ke人。
9:2 Kiâ門徒就問祂講:「先生,這個人出世就瞙目, 係má人犯罪,係這個人自家,也係他ke爺ôi犯罪喏?」
9:3 耶穌應講:「M̀係這個人犯罪,也m̀係他ke爺ôi; 係oi在他身上彰顯 上主ke權能。
9:4 日時頭,我teû就做『差遣我來ke』ke工作,暗晡時一到,就無人能工作。
9:5 我在世間ke時,我就做世間ke光。」
9:6 耶穌講這個話後,就phui口瀾在地上,將口瀾lâu泥,用這個泥來膏他ke雙目。
9:7 耶穌就對他講:「去西羅亞ke池塘洗。」(西羅亞翻譯就係奉差派 ke意思)。所以他就去洗,轉來ke時,目珠就看得到lé.
9:8 他ke鄰舍lâu平時常常看到他討食ke人就講:「這個 m̀係先前坐在這位討食ke人嗎?」
9:9 有人講:「這個就係他!」又有別人講:「M̀係他,係lâu他相像定定。」 他自家講:「我就係他。」
9:10 Ku-só眾人問他講:「Ngiâ目珠ngióng看得到nè?」
9:11 他應講:「有一個人喊做耶穌,祂用湳泥,膏我ke目珠,lâu我講:『去西羅亞ke水池洗』,我就去洗,後來就看得到。」
9:12 眾人就問講:「祂在nai位?」 他講:「我m̀知。」