《編輯案頭》

 | | | 轉寄

轉載：頭一擺ke「海內外客家後生交流營」

作者 2019.08.11

　　第一屆「海內外客家後生交流營」報名吂？

　　客家委員會為鼓勵客家後生參與國際事務，建立海內外客家青年聯絡網，liá-ha 開始to 八月二十一號，辦理第一屆「2019海內外客家後生交流營」，歡迎海、內外客家後生報名，藉由藝術、人文、科技產業、客庄DIYlia2-teû體驗，認識多元客家。

　　「2019海內外客家後生交流營」(Global Hakka Networking Camp) oi招募國內外二十歲to 四十五歲ke客家後生各三十位，安排ti十月二日to八號辦理七日六夜交流營，活動精彩豐富，比將講：客家文化藝術欣賞、科技產lâu傳統建築參訪、樟之細路踏查、客家傑出企業代表lâu後生人交流座談、茶農體驗lâu客庄料理DIY，還yû去國家戲劇院欣賞客家精緻大戲。

　　客家委員會表示，藉由國內、海外客家後生深入臺灣客庄親身體驗，增進自家客家淵源探索lâu認識，相互激盪成長，期盼海、內外客家後生成為推展「臺灣客家」ke後生種籽，向國際傳播客家新印象。

「2019海內外客家後生交流營」招募時間tui liá-ha to 今年八月二十一號（拜三），做得線上報名、親送，me做得書面掛號郵寄(三選一)方式報名，詳情請to「2019海內外客家後生交流營」活動網站hakkayouth.com查詢。