《編輯案頭》

 | | | 轉寄

轉載：老路不行草生塞 共下伐（phat）草展生機

作者 2019.05.05

　　為著維護浪漫臺三線「Raknus Selu樟之細路」環境，重現ngièn-chhai跨庄共下伐（phat）草ke精神，客委會特委由大凡工程顧問有限公司lâu台灣千里步道協會ti 今晡日(108年5月5號) ti新竹關西鎮「飛鳳古道」，辦理跨社區除草志工工作假期啟動儀式，實地進行步道phat草ke環境維護。

　　客委會楊副主委表示，「樟之細路」he客委會經過年零ke踏查、盤點，定線出全程大體yû 四百空七公里，北起桃園龍潭，經新竹關西、芎林、竹東、北埔、峨眉，to苗栗頭份、三灣、頭屋、獅潭、大湖、卓蘭，盡尾延伸to台中東勢、石岡。頭過ti樟之細路古道沿線社區，分別ti過年、伯公食福、清明、中元、五月節ya-he舊曆十月半時節，yû出動壯丁維護山路ke傳統，liá-ha雖然村子人口外移、老化，tan-he透過社區大學、文史協會、社造團體、環保生態、登山健行liá-teû相關民間組織ke重新集結，投入各步道ke日常維護，共樣達到公私協力ke永續步道目標。

　　Liá-pái以「飛鳳古道」舉辦頭一擺跨社區除草志工工作假期，ko-lòi ya會lâu苗栗社區大學古道志工隊、地方登山社團、文史工作者、社區工班liá-teû相關社團組織，ti二寮紙湖古道、老官道、沖庫山——協雲宮、穿霧隘勇線liá-teû路段，進行步道環境清整、維護，pûn liá條包含獨具台灣原客特色ke「樟之細路」，帶動還啊多元深度ke綠色文化觀光活動，歡迎大家共下參加。