《編輯案頭》

 | | | 轉寄

轉載：中研院開展：「你可能m̀熟識ke客家——客家lâu基督教ke相遇」

作者 2019.04.07

Mò論he客家拼音HAKKA、族群概念ke形成，ya-he客話ke傳揚，基督教會tu貢獻當多，中央研究院特別舉辦「你可能m̀熟識ke客家——客家lâu基督教ke相遇」，pûn大家tui基督教看客家ke發展，認識mò共樣ke客家。

由客家委員會客家文化發展中心lâu中研院合辦ke「你可能m̀熟識ke客家——客家lâu基督教ke相遇」特展，ti民族所博物館首展，展期 to 109年5月，下後，會ko加入臺灣客家教會ke研究成果，擴大移展to苗栗ke「臺灣客家文化館」，持續展覽1年。

Liá-pái展出yi多經典ke客語聖經、巴色差會舊照片，lâu宣教文宣品liá-teû文物。比將講，1905 年出版ke《英客大字典》，瑞士來ke巴色差會m̀單淨ti當地興辦學校、醫療機構，為著方便溝通，ya煞猛學客話，編了《英客大字典》，liá-he傳教士lâu客家語言文字化lâu學習客語ke盡好證據，ya-he盡早ke客家研究文獻。這版本ke《英客大字典》既經絕版，美國康乃爾大學圖書館lâu kì列為珍本，客委會之前透過彭欽清教授ke引薦，在2011年買著一本原版紙本書，交pûn客發中心（臺灣客家文化館）珍藏運用，liá-pái me yû展出。

Ên-lí信望愛網站，me yû lâu珍貴ke聖經數位典藏，pûn珍貴ke文獻永久保存，想研究、了解ke人，me做得運用liá-teû資料，歡迎大家點開「客語信望愛」網站右下片ke「客語文獻珍藏」區ke「聖詩珍藏」lâu「白話字文獻珍藏」來看。