《編輯案頭》

 | | | 轉寄

轉載：六堆祈福尖炮城

作者 2025.02.09

　　新年去nai liau？二月十五號(拜六)、二月十六號(拜日)ti六堆紀念公園ke「六堆祈福尖炮城」活動，kûi活動tui發源地五溝水起勢，五溝傳統式尖炮城ke特殊，就he佢原味十足，單竿、單炮籠。炮竿he由在地居民ti該日朝晨現拗當地ke綠竹，䌈等像水果籃ke傳統炮籠，lâu kì安在基座，完整重現百年前客家先民yu做得團練yu做得鬧元宵ke風貌。逐年六堆祈福尖炮城，縣府tu會to六堆各庄恭請伯公乙尊，行鑾駐蹕活動現場，坐鎮福佑活動平安順序參拜祈福，he認識客家伯公信仰ke好機會。除忒「尖炮城」，還安排客家「盤花」比賽、客家年節博弈體驗liá teû，歡迎大家上官網報名參加！

　　早期六堆客家先民正來台開山打林，輒常yû別ke族群打過來，ku só就ti固定ke堆區，設置像烽火台恁呢ke瞭望台，見擺yû堆區受著攻擊，就會ti瞭望台點著煙火，通知另外六堆區域ke堆民，來then sú、加強防守。受著攻擊ke堆區，voi打紙炮，通知區肚ke人yû敵人打過來咧，oi遽遽加強防守並對抗。

時局太平了後，漸漸仔變成正月半用來加強團練捍衛家園，並向伯公祈求平安ke娛樂賽事。Yi難得就he百零年來，liá項傳統ti屏東縣萬巒鄉五溝水(六堆ke先鋒堆)年年舉辦吂識斷忒，對傳承民俗文化ke用心，pûn人試著當感動。2006年，屏東縣政府為了支持五溝水ke百年堅持，想lâu liá項傳統民俗推廣to kûi ke六堆，重新喚起客庄團結意識，ya pûn還啊多人yû機會體驗客家特殊民俗。以正月半民俗活動計畫，向客委會申請到50萬元經費，正式開始以地方政府的身份舉辦這項活動，經過三年持續的努力，縣府的用心獲得客委會高度的肯定，2010年將六堆祈福尖炮城活動列入全國客庄12大節慶之一，逐年tu siàng 兩萬儕ke選手lâu民眾參加。


官網：http://www.hkjpc.com.tw/index.htm