《編輯案頭》

 | | | 轉寄

轉載：客語沉浸非營利幼兒園：火焰蟲

作者 2023.07.23

　　Vi推動客語復興lâu提供社區優質ke托育場域，由客家委員會補助高雄市政府客家事務委員會辦理「客語沉浸非營利幼兒園空間營造lâu環境改善設施計畫」，安名cho「火焰蟲」。七月二十一號（拜五）ti高雄市新客家文化園區雨豆廣場舉辦開園活動，客委會范副主委佐銘特別去lâu鄉親共下見證全臺頭一間非營利客語幼兒園園區建設ke啟用，期待tui客語幼兒園出發，向下扎根，打造從細chhiu接觸客話ke環境，傳承客話。

　　高雄市「新客家文化園區」ti高雄三民區，區內客家人口數大約仔yû五萬四千四百儕人，園區me he都會地區傳承客家語言文化ke重要基地，vi推動客語傳承，透過設置客語沉浸非營利幼兒園，利用簡單yu生趣ke生活客話教學方式，吸引mò共樣族群ke細人仔yû機會學客話，ko透過細人仔lâu客話帶轉屋家，以提升客話使用率，創造融入客家文化ke共享環境。