《編輯案頭》

 | | | 轉寄

轉載：苗栗「盡老媽祖廟」慈裕宮正月半炸邯鄲

作者 2023.02.05

　　竹南鎮慈裕宮he苗栗縣盡老ke媽祖廟，to今既經yû三百六十五年ke歷史，慈裕宮逐年正月半tu yû舉辦炸邯鄲，聽講台東炸寒單爺就he tui竹南傳過來ke。竹南lâu台東ke炸邯鄲，tu yû迎財神、kiuk走壞運ke意義，liá下既經各自發展出自家ke特色。臺東炸邯鄲，he人打扮做邯鄲爺，pûn人用轎仔扛等，自家企等，pûn紙炮仔páng；苗栗竹南炸邯鄲，he由一儕班頭帶等四儕打赤膊，戴簷帽，著紅短褲仔lâu布鞋，手拿草掃把ke勇士，扛等邯鄲爺神像夜巡，páng ke he邯鄲爺神像，故所竹南ke邯鄲爺鬍鬚he用鉛絲做ke，m̀-he用一般ke毛做，mò就he人扮做邯鄲爺，坐等轎仔，pûn大家páng，逐年由中美社區lâu當地番社保安宮主辦，結合中港地區信仰中心——慈裕宮舉辦。

　　今年慈裕宮炸邯鄲，共樣ti正月半該日臨暗仔展開，由四儕勇士扛等邯鄲爺神轎在中港地區遶境後，轉去慈裕宮前廣場接受炮陣洗禮，以kiuk走瘟疫，廟方配合炸邯鄲，舉辦盆栽特展，希望透過一動一靜活動搭配，pûn大家重溫正月半傳統。傳承百年的民俗傳統——慈裕宮炸邯鄲，因為疫情，暫停一年咧，今年疫情kha mò án嚴重，繼續舉辦，，邯鄲爺遶境範圍以舊中港地區為主，歡迎來苗栗竹南看！