《編輯案頭》

 | | | 轉寄

轉載： 2022六堆秋收祭：客hak家kâ慶khin生sên趣chhi

作者 2022.11.06

　　客委會客發中心「2022六堆秋收祭活動」，ti十一月五號六堆客家文化園區鬧熱開棚。客委會客發中心主任何金樑表示，「六堆秋收祭」以生態博物館ke概念，連結六堆十二鄉，共下展現客庄「春祈、秋報」歡喜慶秋收、對天地感恩ke崇敬，lâu高屏溪畔客人共同ke記憶，透過秋收祭展現pûn大家知。秋收祭今年he第七年辦，今年秋收祭以「客hak家kâ慶khin生sên趣chhi」cho主題，ti十一月五號to十一月二十號連續三禮拜規劃一系列活動。客發中心重視「完福」祭儀，ti十一月四號開幕前邀請在地八音團體、禮生共下依古禮祭天謝神；liá擺me特別ti園區搭設「伯公祈福廠」，邀請六堆十二鄉區伯公lâu忠義祠忠勇公王移駕作客安座，ko製作限量祈福卡pûn民眾祈福，結合客人「食福」傳統，推出受大家歡迎、既經兩年mò辦ke「食福宴」，歡迎大家共下來作客，體驗六堆客庄秋收ke快樂！歡迎大家來園區露營，體驗客庄秋日暗夜，朝晨ko到客庄liau，秋遊六堆，認識在地文化地景lâu歷史脈絡，完成一場完美ke秋收饗宴。

　　「2022六堆秋收祭-客家慶生趣」當好搞，活動yû「伯公祈福廠」、「食福宴」、「秋涼野餐趣」、「勇闖桃花源闖關趣」、「秋收露營趣」、「攀越大武山——攀岩培訓營」、「伯公故事屋」、「六堆GIS探索趣」、「客庄輕旅行」lâu「六堆鳥類大解密」，豐富yu多元，歡迎大家共下來六堆客家文化園區體驗南臺灣客庄秋收文化。