《編輯案頭》

 | | | 轉寄

轉載：花lâu花──客家看花lâu盤花特展

作者 2022.06.05

策展理念：
　　本特展以國立歷史博物館看花藏品為主軸規劃，展現客家「看花」ti臺灣北部客家特有ke文化特色，lâu精巧sa繁複ke刺繡工藝，ya lâu南部六堆客家庄供奉神明時一種特有ke花ke型式──「盤花」，保存to今ke祭祀文化共下展出，代表臺灣南北客家對祭祀禮節崇敬ke心意，藉由探索mò共樣面向ke客家文化，lâu客家文化ke認同，展現出客家文化兼容並蓄ke可貴。

【有關liá展覽】
　　臺灣ke南北客家庄中，分別發展出「看花」lâu「盤花」ke民俗文化，傳達祭祀中ke誠敬lâu巧思，因地制宜發展出兩種mò共樣ke形式lâu樣貌。
　　 「看花」he lâu圓形ke刺繡片放器皿供奉，「盤花」he 盤仔項用層層疊疊ke鮮花cho供品，雖然南、北兩地ke客人敬獻形式mò共樣，m̀-ko tu表達誠敬ke心意。
　　 Tui臺灣北部客家「看花」繡片，ko to臺灣南部六堆客家ke「盤花」，做得tui文獻記載lâu常民生活曉得，南部六堆客家ke「盤花」，因為liá-ha共樣家門前yû種花，敬神祭祀ke「盤花」文化自然保存下來，lâu虔誠ke文化發展成「盤花」比賽lâu教學，傳承「盤花」手路；北部客家ke「看花」，精巧繁複ke刺繡工藝，跈等時代ke轉變，漸漸仔mò受著重視，mò人傳承，連等文化斷層「看花」ke記憶me跌失忒le！Ku-só「看花」ke功能到底he麼个，識yû當多mò共樣ke看法，期盼透過liá擺展覽，pûn還kha多人看著「看花」ke靚lâu客家敬天地ke心意。

展期：111年一月二十六號to 111年八月三十一號
所在：臺灣客家文化館第四特展室（苗栗縣銅鑼鄉銅科南路6號）