《編輯案頭》

 | | | 轉寄

轉載：「大埔客語之母」徐登志先生過身

作者 2021.11.28

　　大埔客語之母——徐登志先生，ti liá禮拜拜四(2021年十一月二十五號)朝晨七點過身，享壽七十八歲，徐登志先生一生致力保存大埔客家文化，希望後代子孫，做得講好大埔腔客家話，pûn地方各界ô-nó he「山城客家奇女子」，kì 1993年自組「寮下文化工作室」，採錄客語民間文學、故事傳說，自編大埔腔客語教材，1995年lâu朋友共下成立台中縣客家文化協會，保存大埔客家母語，出當多書，比將講：《東勢鎮客語故事集》、《東勢鎮客語歌謠》、《寮下徐老師講往語》來傳承客家。因為kì ke貢獻，得著北美客家台灣語文基金會全美台灣客家獎、行政院客家委員會第一屆客家傑出貢獻獎、行政院文化建設委員會文耕獎、教育部特殊優良教師師鐸獎、教育部推展母語傑出個人獎，今年十月me正得著台中市府頒發「大埔客語之母」獎座，表彰kì終身成就。徐登志先生一路里來，用心傳承客家，me當照顧後進，kì ke精神成為客家後生學習ke典範。