《編輯案頭》

 | | | 轉寄

轉載：客語傳承領航者古國順，楊長鎮代表總統頒發褒揚令

作者 2021.06.13

　　致力推動客語認證、師培，識得著客家貢獻獎ke古國順教授上隻月過身，今晡日舉行告別式。客家委員會主任委員楊長鎮前日(六月十一號)代表蔡英文總統頒發褒揚令，表彰古教授對客語復振ke投入lâu貢獻。

　　古國順教授m̀-tân-chhiang在大學教書，因為試著阿姆話強會跌失忒le，全方位投入客話ke保存lâu傳承。在媒體，古教授參加客家族群文化復振運動代表性刊物《客家雜誌》編務，投入撰稿、校勘lâu編輯liá-teû，ko年年擔任客話夏令營講師，影響oi四萬人ke學員；古教授長期在中廣客語頻道、寶島客家電臺lâu漢聲廣播電臺主持客話節目，me接受邀請訓練臺視客語主播ke咬字發音。Yo成立「客語師資種子學院」，利用暗晡夜培訓阿姆話師資。

　　為著阿姆話教育推廣做得還kha順序，古教授ya參加制定「臺灣語言音標」，編著《臺灣客家話記音訓練教材》、《客記音訓練教材》lâu《客語發音lâu拼音》……當多書，me參加制定「臺灣客家話通用拼音」lâu「臺灣客家話拼音方案」。民國九十九年開始，擔任客家語書寫推薦用字小組委員lâu召集人，研訂統一用字兩批，經教育部公布推薦使用。

　　逐年考生踴躍報考客語能力認證測驗，九十四年頭一擺辦理時，就由古教授擔任認證教材總召，闈長lâu閱卷總召集人，中級暨中高級認證也在古教授協助催生下舉辦，他還煞猛力推客語能力認證參考「歐洲語言共同參考架構」(CEFR)lâu國際語言評量標準接軌。

　　古國順教授民國二十八年ti楊梅出世，從細煞猛讀書，後來得著中文博士，kì he聲韻、語言學專家，識ti台北教育大學（現臺北市立大學）教書，古教授一生人煞猛傳揚同保存客家語言lâu文化，感謝yû kì，ên客家 yû án好ke發展！客家委員會肯定kì ke 用心，ti民國九十六年lâu一百空四年頒pûn kì傑出成就獎lâu終身貢獻獎。