《編輯案頭》

 | | | 轉寄

轉載：生活肚ke詩人——杜潘芳格展

作者 2021.03.07

　　杜潘芳格he臺灣盡yû代表性ke客家女詩人，桃園市府得著客家委員會補助，推動「客家女詩人——杜潘芳格生命史調查研究計畫」，完成作品蒐集、文獻、訪談資料lâu文物整理liá-teû工作，希望記錄liá位台灣重要客家女詩人ke生命史，me ti桃園客家文化館推出「生活裡的詩人——杜潘芳格展」，規劃了「杜潘芳格生命史——點光ke人」、「杜潘芳格詩作賞析——yû希望‧yû喜樂‧yû安慰」、「創作書房——光ke日」、「翻看書籍——生活肚ke詩」四大主題，展品十分豐富，涵蓋了杜潘芳格親筆文稿、照片、文物、訪談資料liá-teû，打造互動空間，結合海陸腔、四縣腔liá-teu4 mò共樣腔頭ke客話，pûn展覽還kha生趣。

　　桃園市長鄭文燦前日(三月五號)下晝hi桃園客家文化館假日廣場，出席「生活裡的詩人——杜潘芳格展開幕記者會」。鄭文燦表示，感謝家屬無私捐贈杜潘芳格女士生前手稿、照片lâu kì用ke楠木書桌、楠木書櫥、聖經手札liá-teû珍貴文物，讓特展還kha豐富精采，ya帶大家探索杜潘芳格ke創作lâu生命史。

　　鄭文燦講，客家族群誕生當多yû名ke文學家，比將講：鍾肇政、鍾理和、李喬。杜潘芳格he客家女詩人重要代表人物，kì經歷了日治時期、國民政府、赴美lâu返台定居liá-teû mò共樣ke時期，創作靈感來自家務、子女、屋家人，花草樹木liá-teû生活點滴，充滿人生韻味，m̀-tân-chhiang pûn讀者識著親暱暱仔，me做得ti kiâ詩句看著客家生活風情。杜潘芳格ti 2007年得著客家委員會「客家貢獻獎——傑出貢獻獎」，lâu鹽分地帶文藝營「台灣新文學貢獻獎」，表彰kì vi客家文學創作加入豐沛能量。

　　客家局代理局長戴興達表示，「生活肚ke詩人——杜潘芳格展」yui liá-ha開始 to 三月二十一號，ti桃園市客家文化館A1特展室展出。市府三月十二號lâu三月二十號在中壢區公民會館、桃園客家文化館舉辦兩場文學座談說明會，歡迎大家來。