《編輯案頭》

 | | | 轉寄

轉載：世界母語日，開聲講阿姆話

作者 2021.02.21

　　聯合國教科文組織 1999 年通過決議，lâu二月二十一號定為世界母語日，提倡講阿姆話，以保存語言lâu文化多樣性。

　　西元一九四七年巴基斯坦獨立後，分cho東、西巴基斯坦，各自用mò共樣ke語言，tan-he巴基斯坦政府lâu烏爾都語定為唯一官方語言，完全mò顧慮孟加拉語he東巴基斯坦多數人用ke語言，在當地單淨百分之二ke人會講烏爾都語，ku-só東巴基斯坦人發起當多擺抗議官方單一語言政策ke運動。西元一九五二年二月二十一號東巴基斯坦人在達卡舉行示威活動，要求將孟加拉語me列入官方語言。經過多年ke抗爭，巴基斯坦當局正在西元一九五六年宣布孟加拉語lâu烏爾都語tu he官方語言。孟加拉政府在達卡修建保衛母語紀念碑，以紀念語言烈士ke犧牲奉獻，lâu二月二十一號定為語言運動日。西元一九九九年，孟加拉向聯合國提出設立世界母語日的申請，順利通過。Liá就he語言運動日成為世界母語日ke由來。

　　臺灣he多元族群組成ke，大家yû自家ke阿姆話，為著爭取阿姆話變成國家語言me經過yi長yi艱辛ke路。逐種語言tu當靚，流等文化lâu歷史ke血，承蒙大家ke努力，pûn臺灣語言ke靚做得傳承下去，pûn世界看著！

　　二月二十一號，世界母語日，來！講阿姆話，共下傳揚阿姆話！