《編輯案頭》

 | | | 轉寄

轉載：客家委員會推行客家實驗學校 楊長鎮訪視美濃吉東國小實行成果

作者 2021.01.10

　　客家委員會長期推動客語生活學校，營造客語校園學習環境，實行客語沉浸式教學，oi tui過去ke「教客話」變cho「用客話教學」，強化幼稚園to高中各級學校先生lâu學生仔，認同客話，會講客，想講客。客委會主任委員楊長鎮一月七號，hi高雄市美濃吉東國小訪視全國第一所客家實驗學校，鼓勵學校師生繼續學習客話、傳承客家文化。

　　楊長鎮表示，在看了數學課程用客話教學後，試著客家實驗學校計畫實行非常成功，尤其大體學生仔tu做得用客話溝通討論，假使下後學校先生lâu學生仔，大家tu做得用客話互動，he還kha進一步ke學習語言成果。楊長鎮強調，未來me做得邀請家長共下參加計畫，pûn家長知liá計畫ke概念，lâu客話帶轉屋家；另外，me做得lâu社區結合，pûn細人仔在生活中自在講客。

　　客委會長期推動客語沉浸式教學，在過去一年109學年度計yû九十三校（園）、兩百二十九班、四千九百七十一儕學生仔參加，比108學年度參加班數lâu學生數成長幅度oi百分之十二。美濃吉東國小在108學年度成為全國第一所客家實驗學校，目前109學年度全校yû 六班，一年級（二十儕）、二年級（二十儕）、三年級（十六儕）、四年級（六儕）、五年級（十一儕）、六年級（十儕）。

　　客委會輔導學校以「客家」文化為概念，規劃適合「客家」細人仔ke課程，藉由實驗教育課程，以客話為教學語言，融入各學科基本知識。在課程中，lâu先民生活經驗lâu現代知識體系結合，內化成為屬於自家ke文化涵養ke生活經驗，在生活中廣度涉獵、探索美濃客家文化，pûn吉東學童對客家文化產生高度認同、lâu社會結合，同世界接軌，展現客家全球移動力。