《編輯案頭》

| | | 轉寄

轉載:六堆園區「尞客庄‧趣野餐」

  客家委員會客家文化發展中心頭一擺結合客庄社團推出體驗活動,以「尞客庄‧趣野餐」2020六堆生態博物館客庄串聯體驗活動lâu屏東野餐日,結合六堆十二鄉區客庄社區發展協會、特色產業業者lâu美和科技大學ke野餐活動,今年特別加入國立屏東大學共同主辦,昨晡日(十一月七號)在六堆客家文化園區盛大開幕,pûn大家「尞客庄‧趣野餐」。

  為結合在地特色產業,頭一擺採用樂遊卡辦理客庄串聯體驗活動六百份ke樂玩卡(3+1項體驗)在預購受著熱烈支持,搶購一空。相關活動結合在地社團,比將講,內埔鄉文化促進協會以可可產業研發ke「可可護唇膏」,pûn可可產業多元發展;高樹鄉廣興社區發展協會的「鳳梨醬DIY」,竹田鄉二崙社區發展協會ke金銀花茶葉蛋、美濃區中圳社區發展協會ke「客家麻糬DIY體驗」、佳冬鄉茄冬文史協會推出闖關認識客庄文化送蜜茶活動,另外,杉林ke藍染方巾、葫蘆DIY、六龜區新寮社區發展協會檸檬醋DIY、甲仙愛鄉協會推出ke構樹手(鹿仔樹)抄紙體驗lâu屏東人文生態休閒聯盟liá-teû單位一共四十隻攤位,pûn民眾體驗客庄特色,邀請民眾透過DIY體驗共下認識客庄美食文化、生活藝術、產業特色。