《編輯案頭》

 | | | 轉寄

轉載：鍾孔炤訪視屏東客庄生活環境營造

作者 2020.09.20

　　客家委員會副主任委員鍾孔炤九月十九號訪視屏東客庄創生環境營造，拜會客庄創生移居據點，lâu屏東縣長潘孟安，參加內埔東片村「隘寮圳第一支線整治工程開工暨動土典禮」，ya hi竹田「德米樂輕米食文化實驗場」。鍾副主委期盼透過相關計畫ke執行，為客庄帶來mò共樣ke新氣象。

　　內埔鄉東片村he鍾副主委訪視ke頭一站，隘寮圳第一支線he「靚靚內埔-後堆客家水圳環境整治計畫」中ke一部分，鍾副主委強調yû山就yû客家，yû客家就yû水圳，而水圳對農作ke種植幫助當大，故所對水圳yû特殊ke感情存在。

　　屏東縣長潘孟安感謝客委會ke支持，希望透過liá-pái ke整治計串聯周邊地景lâu歷史紋理，pûn大家還kha了解客家豐富ke文化底蘊。鍾副主委肯定東片村民ke團結，體現了客家硬頸、mò私心ke精神。

　　第二站hi「德米樂輕米食文化實驗場」，he由屏東竹田頭一屆移居者，liá-ha五十三歲ke李怡樂提出。Kì規劃lâu阿公經營ke德興米廠舊址，改造cho結合在地文創、產業研發ke跨域文化實驗場域。透過老舊空間ke重新利用，lâu客庄地方資源進行整合。

　　鍾副主委勉勵，未來會繼續克服困難，煞猛發揚竹田產業lâu文化加值，想望透過創新行銷lâu建置，yû效帶動竹田在地產業能見度，pûn大家看著六堆ke好。