《編輯案頭》

 | | | 轉寄

轉載：移居啓動　創生翻轉客家庄

作者 2020.08.16

　　客家委員會七月六號ti集思臺大會議中心辦理客庄地方創生移居計畫「第一屆移居者開訓說明會」，客委會tui liá屆徵件ke一百空四隻案肚，選出五位移居者，未來入選者voi投入新竹縣芎林鄉、屏東縣竹田鄉、高雄市美濃區、臺中市和平區lâu東勢區liá-teû客家文化重點發展區，逐儕入選者tu yû一位教練，then-sú kì-teû成長，期盼客庄成功地方創生。

　　客委會副主任委員鍾孔炤表示，客庄地區本身yû獨特yu鮮明ke客家文化，透過辦理「客庄地方創生移居計畫」，希望siàng著創造性人才移居、轉屋，鼓勵大家發揮創意lâu靈感，重新活絡客庄，透過後生人重新帶動客家文化，整合地區資源推動整體客庄地區ke發展。

　　客委會表示，第一屆獲選的分別為「綠屋頂學校」朱幸一、「徳米樂輕米食文化」李怡樂、「美濃在地產業升級計畫」林奕辰、「和平崧風話客語」江孟妮、以及「映月山房——穀藏」蘇志明。

　　客庄地方創生移居計畫，希望結合後生人轉去庄下創業輔導諮詢lâu then-sú在地小農發展，活化客庄藝文細胞帶動地方創生，比將講：「徳米樂輕米食文化」，打算結合竹田驛園lâu附近，共下發展在地文創、產業研發ke跨域文化實驗場域；lâu「映月山房——穀藏」，以檜木老屋為據點，積極推動建構大茅埔藝術村。

　　入選者ko-lòi voi展開為期二年ke計畫推動，當中透過計畫資源輔以陪伴教練、訪視輔導lâu體驗見學liá-teû，期望各案移居者tu做得yû打眼ke成果。續下來，今年下半年也voi開始第二屆客庄地方創生移居計畫ke徵選，希望siàng著還啊多yû意願投入客庄地區發展ke人，共下推動客庄文化ke永續發展。