《編輯案頭》

| | | 轉寄

轉載:聽故事學講客

  「客語口說故事」活動來lio!

  你yi想教細人仔客話,sa m̀-tî ngióng-è教kì,若心聲,客家委員會聽著le!

  客家委員會特別製作「客語口說故事30則」,請邱一帆、謝杰雄、徐登志、詹淑女、烏衣行、陳志寧……當多客家專家lâu生趣ke故事翻譯cho客話,請徐敏莉、彭月春、羅乙心、周文靜、李幸妃、宋菁玲……當多客家先「聲」,用客話六大腔頭講pûn你聽,就算疫情影響,m̀敢出去liau,去官方網站(https://hakka.grimmpress.com.tw/)點選想聽ke故事,輕輕鬆鬆做得pûn細人仔聽客家故事學客話!

  Vi著鼓勵還啊多人善用「客語口說故事」網站,客家委員會特別舉辦「聽故事講客話影片徵件活動」,tui liá-ha開始to民國109年六月十號(拜三)下晝五點,to活動報名網頁,用網站ke故事lòi教學生仔(讀幼兒園、國小ke學生仔),錄下老師帶等學生仔用客話講故事一分鐘影片,上傳to YouTube,ko填入學校資料、e-mail lâu上傳影片ke分享連結,完成報名,就做得得著神秘小禮物,送完為止!


客語口說故事網站: https://hakka.grimmpress.com.tw/event.html


服務專線:(02)2351-7251分機57,格林文化 江坤祐先生。