《編輯案頭》

 | | | 轉寄

轉載：2020臺灣客家美食年貨市集

作者 2020.01.12

　　客家委員會為著展現輔導客庄產業成效，lâu中華國家公益發展協進會合作，邀請「臺灣夥伴大學育成中心聯盟」、客家特色商家lâu「客家青年創意創業同盟」共下辦理2020臺灣客家美食年貨市集系列活動，pûn年貨大街還kha豐富多元，京站、迪化街lâu浮洲合宜宅me yû 精彩哈客快閃活動，pûn社會大眾在舊曆年前體驗客家年貨市集魅力。

　　見擺舊曆年前，迪化街tu he全臺灣年貨ke中心地，me he人客盡多ke所在，但he總he kha看m̀著客家產品。今年he頭一擺ti年貨大街宣傳客家產業，期盼利用都市ke高消費力帶動lâu發展偏鄉客家聚落ke產品，京站、迪化街lâu浮洲合宜宅tu做得看著客家特色商品加入，pûn還啊多民眾做得認識客家文化，期望未來逐年年貨大街做得增加還啊多客家商品。

　　客家年貨週，m̀單淨想siàng還啊多後生人投入創意，me希望透過活動，then-sú後生人lâu理念lâu創意實現，帶動客庄地方發展，李主委承諾客委會會繼續支持liá隻活動，pûn客家文化緊yû新ke創意出來，傳承、開創客家文化。

　　Liá-pái客家年貨週ke市集商品lâu大台北四大商圈合作，包含迪化街商圈、京站轉運站商圈、板橋浮洲合宜宅社區、大學市集店家lâu網路平台，ti 一月九號to 二月八號，推出「點亮客家」、「哈客快閃」、「客商尖兵」、「客家年貨」、「哈客設計」lâu「客家元宵」liá-teû主題系列活動，期盼民眾採買年貨時節，做得透過好食、好搞、好尞ke活動，認識客家文化。