《編輯案頭》

 | | | 轉寄

轉載：財團法人客家公共傳播基金會正式營運

作者 2019.12.29

　　客家傳播重要ke里程碑「財團法人客家公共傳播基金會」正式成立！在1988年發起劃時代ke「還我母語運動」後，因為客家前輩lâu各族群夥伴煞猛打拼，落實客家族群ke媒體近用權lâu客家傳播媒體公共化ke「財團法人客家傳播基金會」正式營運，12月27號拜五，客家委員會主任委員李永得lâu基金會董事長陳板（陳邦畛）lâu參加ke貴賓共下為基金會揭牌，lâu國人共下見證這垤客家傳播發展ke重要拼圖。

　　客委會表示，基金會的成立m̀單淨肩負全國性客家公共傳播、人才培育lâu數位匯流liá-teû任務，也代表客家施政ke階段性成果，基金會在年底正式營運後，過忒年ke重要任務yû：(一)講客電台節目製播、(二)客家電影籌資拍攝、(三)新媒體人才培訓及經營、(四)社區連結（講客社區報、活化社區影像廣播節目策劃、進鄉團、深入客庄社區、ngài講四句七句客比賽）、(五)國立客家兒童合唱團liá-teû，歡迎大家在新ke一年，共下迎接全新ke客家傳播新樣貌。