《油桐花ke思念》

 | | | 轉寄

Ngìn-sên thi-thù ...人生地圖

作者 Hiû Yit-fàm....邱一帆 2010.08.22

Thi-thù chhai chhṳ-kâ ke ngó-hói chûng

地圖在自家ke腦海中

kiûng-hí

弓起

lî-sin lâu kám-chhìn ke yi̍t-kap

理性lâu感情ke翼胛

fî-yiòng

飛揚

chhai hî-mong ke thiên-táng-kô

在希望ke天頂高

Ngài tai-tén yúng-kám

Ngài帶等勇敢

mien-tui pot-fûng-lo̍k-súi

面對發風落水

ngài tai-tén kûng-ngi

Ngài帶等公義

ki-chhie̍t sià-ngìn ke khûng-theù

拒絕遐人ke空頭

van-súi-chhiên-sân

萬水千山


Thi-thù chhai chhṳ-kâ ke sîm-kôn-tú

地圖在自家ke心肝肚

khôi-chán

開展

kám-chhìn thùng lî-sin ke sûng-sú

感情同理性ke雙手

tá-piang

打拼

chhai hî-mong ke ngìn-sṳ-kiên

在希望ke人世間

ngài khon-tó lî-sióng

ngài看著理想

chhiu chhai chhiâng-sân chṳ̂-chûng

就在青山之中

ngài khon-tó hen-fuk

Ngài看著幸福

chhiu chhai liu̍k-súi chṳ̂-kiên

就在綠水之間

yit-sṳ-yit-sên

一世一生