《油桐花ke思念》

| | | 轉寄

Kâ-tûng-su-hâ...茄苳樹下

Kâ-tûng-su-hâ hí-cham ke só-chhai
茄苳樹下 起站ke所在
yû mò-phân ke se-ngìn-è
有mò伴ke細人仔
khì chhai thai-su-sun
企在大樹唇
tiâm-tiâm-é theû-thâng
恬恬仔偷聽
chi-chi-chio-chio ke thùng-yeù
嘰嘰啾啾ke童謠
sióng-mong theù-pái theù-pái
想望頭擺 頭擺
â-pâ ke thùng-ngièn
阿爸ke童年
sên-chhi ke ku-sṳ
生趣ke故事

Kâ-tûng-su-hâ chûng-cham ke thi-fông
茄苳樹下 終站ke地方
yû kû-sî ke ló-ngìn-kâ
有孤梄ke老人家
chhô chhai thai-su-sùn
坐在大樹唇
thin-thin-é mén-hí
定定仔愐起
mò-kóng-mò-seu ke choi-kú
mò講mò笑ke喙鼓
sṳ̂-sióng theù-pái theù-pái
思想頭擺 頭擺
khiung-chṳn ke ngìn-mâ
共陣ke人馬
teu-tap ke sâng-hióng
鬥搭ke聲響