《油桐花ke思念》

| | | 轉寄

ke-thiàu thâu-lú...該條thâu-lú

Â-mè kóng-hí
阿姆講起
hàn-se-sṳ̀-chiet
還細時節
ke-thiàu thai-thai-thiàu ke thâu-lú
該條大大條ke thâu-lú
chúng-he pâu-tén ngài se-se-lia̍p ke vû-sṳ̂n
總he包等捱細細粒ke無身
Hòn-thiên lòi sṳ̀
寒天來時
tai pûn ngài seû-nòn
帶分ngài燒暖
ngie̍t-thiên lòi-to
熱天來到
tai pûn ngài sûng-sóng
帶分ngài鬆爽
yit-ngièn-theu-thiên
一年透天
m̀-sṳt tiet-thiet
M̀識跌忒

Chhṳ-kâ sióng-hí
自家想起
sṳ̀n-ngìn chóng-thai
成人長大
ke-thiàu se-se-thiàu ke thâu-lú
該條細細條ke thâu-lú
chúng-he koi-tén ngài thai-thai-chak ke tú-sṳ́
總係蓋等ngài大大隻ke肚屎
Tông-chu-theù
當晝頭
voi mén-hí
會愐起
am-pû-theù
暗晡頭
voi nám-hí
會攬起
theu-ngièn-theu-ngie̍t
透年透月
m̀-sṳt vok-thet
M̀識豁忒

Ke-thiàu khiung-yong ke thâu-lú
該條共樣ke thâu-lú
yû thai-kâ su̍k-sṳ̍t ke mi-tho
有大家熟識ke味道
pâu-tèn â-mê kóng-m̀-chhut ke thung-siak
包等阿姆講m̀出ke疼惜
siu-tén chhṳ-kâ kûi-am-pû ke sṳ̂-ngiam
繡等自家歸暗晡ke思念