《善雄牧園》

| | | 轉寄

奇妙ke恩典(修訂版)

奇妙ke事發生在你想不到ke時節,降臨到 ên-teû身上,在上帝創造ke自然界底背,奇妙ke事情實在chhin多,甚至ên-teû肉眼看m̀到ke事物,也有上帝ke恩典隱藏在其中,pí-lun逐日日頭ke起落,地心引力…… liá都係上帝奇妙ke恩典。上帝創造ên-teû ke身體,你可曾感謝祂?人ke骨頭從頭到腳底共有206支,全身最大支ke骨頭就係大腿骨,pûn ên-teû能行、能khî、能走,就像二支大柱è將ên-teû支撐tén;上帝ke創造係適合ke,係tú好ke,係無增減ke。

上帝ke恩典透過聖經pûn ên-teû更能明瞭,以賽亞書六:1~9中提到,當烏西亞王做王ke年,以賽亞看到一ke異像,他看見主坐在高高ke寶座頂,祂ke衫垂落滿殿。在祂k etang2-hong有西拉兵t係ǹ-tén,各有六只翼胛,二只châ面,二只châ腳,二只任飛,liá-ke唱ke和講:聖哉!聖哉!聖哉!萬軍ke耶和華;祂ke榮光充滿全地!當以賽亞看到liá-ke異像時節,他說:『我有災禍阿!我滅亡啦!因為我係嘴唇無清淨ke人,ya在嘴唇無清淨ke百姓底背,因為我目珠有看到王--萬軍ke耶和華。』他感覺自家無地自容,m̀敢抬頭看。當ên-teû感覺ên-teû有罪,感覺擔當不起、軟弱ke時節,恩典ke主隨時臨到。接tén,有一ke西拉冰飛到以賽亞面前,他ke手khan熱熱ke炭,係用火鉗對壇頂提來ke。將炭khong在以賽亞ke嘴,講:『看阿,liá-ke khong在你ke嘴唇,你ke罪就除去,你ke罪惡就赦免。』Liá就係一種釋放、一種拯救、一種恩典。

人假使生活在罪惡當中無平安,心靈軟弱,因為受罪逼迫、折磨,上帝最大ke恩典就係赦兔罪,將罪洗淨。當ên-teû領受到上帝ke恩典後,oi ngióng-pân回應上帝呢?以賽亞書六:8主ke聲講:「我做得差派má-sà啊? 係má-sà想oi 位 ên-teû去?」má人做得代我pûn ke-teû m̀認識我、m̀相信我、m̀聽我話ke百姓聽得明白;看得曉得。Liá時得到上帝恩典、拯救ke以賽亞無遲疑隨時回應講:『我在liá位,可差我。』各位親愛ke弟兄姊妹,今晡日ên-teû每ke人也係得到liá種恩典ke人,假使m̀係上帝奇妙ke恩典,通過耶穌基督來拯救ên-teû,ên-teû今晡日無法度來到主ke面前,也無機會坐在聖殿當中,主ke恩典la用?在軟弱時,將賜下力量,在困苦時,祂將幫助你。當ên-teû在困苦無助時,十分難想到事情背後有主奇妙ke恩典。記得我去中寮參加同學ke就任式,中寮係921大地震災情最嚴重ke所在,屋é差m̀多倒淨è,唯有一間màng落成ke禮拜堂無半sit損傷,m̀-ku當時節全村無地方可以khong棺材,ku-só禮拜堂成為停屍間,在早期係做m̀得將屁體khong在聖殿,因為會pûn聖殿污穢,m̀-ku ên-teû要知,生人係屬於上帝ke,死人當然也係屬於上帝ke,liá教會成立40零年,信徒chhin少,中會多pái想要將liá教會結束,在1 9 9 9年9 2 1大地震之後,liá間教會就開始復興lò,現下,liá間教會50年來第一pái聘請牧師,有chhin多人去參加牧師ke授職典禮,liá敢m̀係上帝ke恩典,在破壞中更得到上帝ke祝福。

奇異恩典ke作詞者,kiâ yà-ôi係虔誠ke基督徒,m̀-ku他ke個性十分叛逆,逐日花天酒地,後來他成為一位船長,m̀-ku liá條船係專門載黑奴ke,有一日liá條船tù到海難,kûi條船差一sit要翻過去,他十分緊張,心想今晡日一定會沒命,當他感覺絕望時節,他跪下來向上帝求討:『主阿!祢假使留下我ke命,我一定服事祢。上帝聽他ke祈禱,拯救船頂所有ke人。當船靠岸後,他kiak-kiak轉去屋下,一句話也無講,直接進入房間,寫下liá-ke耳熟能詳ke《奇異恩典》,表達他對主ke感恩。

求主幫助ên-teû,當ên-teû領受liá種ke救恩時,也可以奉獻生命pûn主。以賽亞聽見主ke差遣,他隨時回應主講:『我在liá位,請差我。』主ke呼召像要臨到各位兄弟姊妹當中,在台灣有幾多人hàn-màng信主,在ên-teû所認識ke人中有幾多人hàn-màng認識主,你sṳt為他teû傳福音無?你有向他teû講起耶穌基督ke救恩無?求主憐憫、幫助ên-teû,pûn ên-teû有勇氣,pûn ên-teû尋到方法,將基督ke福音傳揚出去,主ke恩典確實會逐時刻加添在你lâu你ke家庭上。

約翰福音三:16『因為上帝將獨生ke子賞賜世間,pûn信祂ke人,m̀-voi沈淪,會得永活,祂疼世間到án-ngiòng。』上帝將獨生子m̀係只賞賜pûn一ke人,係賞賜pûn所有ke人,在台灣hàn有9 8% màng認識基督,ên-teû ke責任就係oi將福音傳播pûn他teû。Ên-teû做得認識福音,係因為1 40年前英國、加拿大ke傳教師接受上帝ke呼召,來到當時非常偏僻lâu衛生chhin差ke台灣,將耶穌基督ke救恩傳pûn ên-teû, 他teû tui台灣ke教育、醫療……等都有chhin大ke貢獻。Liá樣ke福氣,ên-teû共樣oi分享pûn更多ke人。基督教十分重要ke中心就係上帝ke愛,m̀-ku ên-teû領受上帝ke愛後,m̀好記m̀得分享,liá係成為基督徒ke ên-teû千萬不可thiâm-piong,ên-teû接受上帝ke愛,更要將上帝ke愛分享pûn別sà。今晡日台灣ke教會照樣要將liá樣 ke愛,上帝ke福音,通過醫療、教育……等分享pûn第三世界ke人。感謝主,願主祝福幫助ên-teû,pûn ên-teû領受奇妙恩典後,學習向別sà分享恩典,若無 lâu別儕分享,án-ngiòng這份恩典就無奇妙了,liá-ke恩典若只有為你一人獨享ke,án-ngiòng就辜負主ke愛,辜負上帝ke恩典。