《善雄牧園》

| | | 轉寄

好ke選擇(2) (修訂版)

現下oi來簡單講án-ngiòng chang有好ke選擇:

1. 做m̀得貪心

Ên-teû絕對做m̀得像早期ke猶太人為到貪祭,一息仔金錢就要求彼拉多釋放巴拉巴,釘死耶穌在十字架,為了貪一息仔錢就選擇ke位chhin惡、弒人放火ke土匪,tiên-tó棄捨人類ke救主耶穌。在liá幾年中,有幾多信徒為到貪婪世間來棄捨耶穌,liá係 yit惡質ke事,特別最近有幾多貪心ke信徒為到貪財物來背教,因為最近天主教ke發展深入各鄉鎮山中,用chhin多救濟品來引誘人去信,聽講甚至也有用金錢來賣收會友,因為án-ngiòng, 有chhin多貪心ke信徒都轉到天主教去。

最尾結果án-ngiòng? 他teû ke結果就係心靈得m̀到平安,內心痛苦,ku-só最尾也只有再走轉來ên-teû長老會,liá係真實ke事,發生在ên-teû台灣ke山地lâu鄉村,希望ên-teû做m̀得貪心,使到ên-teû離開主,使ên-teû ke信仰墮落,將來做m̀得入天國,聖經明言講:「貪財ke人難進天國。」(matt19:24)Ku-só, ên-teû做m̀得為了貪心使ên-teû失去好ke福份。

2. 假使oi有好ke選擇,做m̀得有嫉妒ke心。

我對朋友中時常聽到講ên-teû台灣無偉人,其實m̀係真實ên-teû台灣無偉人,係因為ên-teû台灣人善嫉妒,假使有一位台灣人要選做市長或縣長,台灣人就chhin嫉妒,講:「ke人也在做市長」,就想出種種ke計謀來告他,pûn他khî m̀-thet。Ku-só為到嫉妒ke心,台灣人chang無偉人。Ên-teû看當時ke法利賽人,為到嫉妒耶穌oi做猶太人ke王,就害死主耶穌死在十字架頂。

日本某大學有一隊棒球隊,係全日本最優秀ke野球隊,ke隊每pái比賽都得冠軍,係全日本大學所講ke冠軍棒球隊,ke隊底背,有二名投手,係全隊主要人物,m̀-ku二位投手中,有一位係 ko好ke投手,有一位係 ko劣ke ; ke位ko好ke, 每pái在比賽時,得到千萬人ke歡呼、拍掌,因為他ke球技絕妙,因為án-ngiòng, ke位ko劣ke就生起嫉妒ke心,他想,我假使做得登場比賽,定著也會受到千萬人ke歡呼拍掌;m̀-ku除thet ke位ko強ke投手有病痛做m̀得出場外,他就無機會來出場比賽,ku-só有一pái比賽前夜,liá位弱ke投手,請幾位流氓打傷ke位強者,結果就變ke位ko劣ke投手出場,雖然有得到大ke歡迎場面,受到熱烈ke掌聲,m̀-ku在最尾決賽冠亞軍時,ke位ko劣ke投手,因為經驗少,在決賽時失敗變成亞軍,ke位投手失志、見笑,教練來勉勵他ke時節,知了詳情,陪同他去向ke位ko好ke賠罪,為到一人ke嫉妒就失去冠軍lâu破壞學校名譽。Ku-só ên-teû也做m̀得為嫉妒ke心來破壞ên-teû ke信仰lâu失去福份。