《客家消息》

 | | | 轉寄

轉載:2018海外客語合唱觀摩賽

作者 2018.10.28

　　今年10月24號客家委員會ti台中后里舉辦「2018海外客語合唱觀摩賽」，客委會期望藉此pûn來自全球26國、87 ke客家社團，六百零位客家鄉親團聚一堂，共下唱出全球客家心聲。客委會主委李永得期勉客家鄉親，透過客家音樂lâu世界做朋友，pûn世界聽著客家、體會客家ke靚。

　　李主委表示，這擺參加比賽ke海外隊伍，全tu打扮到當靚，而且大家ke儀態lâu歌唱技巧tu十分專業，看得出大家對客家合唱音樂十分努力。感謝三位專業評審的用心，因為yû大家對客家音樂ke支持lâu推廣，客家音樂lâu文化之美正做得一代一代流傳下去。

「2018海外客語合唱觀摩賽」首先由表演團體「MAX馬克筆人聲樂團」所帶來「十八姑娘」、「挑擔歌」揭開序幕，續後登臺ke 8支海外參賽隊伍，he南加州臺灣客家會合唱團、美國桐花合唱團、馬來西亞勞勿客家公會合唱團、澳洲昆士蘭合唱團、大紐約客家會合唱團、馬來西亞亞庇客家公會客鄉歌詠團、馬來西亞雪隆惠州會館客家山歌團、華星客語合唱團，客家鄉親們輪番上台展現準備當久ke成果，美妙客家歌聲，一下就感染kûi會場，pûn台下觀眾對客家合唱歌曲，yû完全mò共樣ke新看法。

　　這場觀摩比賽甲等獎由「南加州臺灣客家會合唱團」、「美國桐花合唱團」、「澳洲昆士蘭合唱團」、「大紐約客家會合唱團」、「馬來西亞亞庇客家公會客鄉歌詠團」、「馬來西亞雪隆惠州會館客家山歌團」得著，優勝獎由「華星客語合唱團」得著，特優獎則由「馬來西亞勞勿客家公會合唱團」得著。