《客家消息》

 | | | 轉寄

轉載：徵ke就he你！有料講客夏令營暑期隊輔人員

作者 2023.05.14

　　客家委員會2023暑期講客夏令營——「貓裏傳奇——苗栗文藝講客夏令營」(以客家詩詞為主ke夏令營)lâu「小小記者講客暑期夏令營」(以廣播新聞為主ke夏令營)聯合辦理小隊輔徵才行動，歡迎高中一年生to大學四年生ke學生報名參加，限定十儕人。

　　徵才ke條件he yû通過四縣客語初級，oi參加兩日培訓，到時會依表現決定錄取mò，培訓時間he五月二十號(拜六)to五月二十一(拜日)，朝晨九點to下晝四點，第一日培訓所在he救國團(苗栗巿中正路382號)，第二日ti苗栗縣青年創業指揮中心(苗栗巿縣府路102號2樓)，培訓完成，就做得成為正式講客夏令營暑期隊輔人員。

小隊輔oi照顧隊員，then sú上課ke講師，me oi負責主持活動lâu遊戲，主要ti苗栗縣青年創業指揮部二樓(苗栗縣有縣府路102 號)做事，別ke工作所在就看各營隊ke規劃，小隊輔做得選兩梯次下營時段，逐ke梯次五日，逐日跈課五點鐘，工作一點鐘一百七十八仔銀，食當晝m̀ sṳ́錢， DIY材料me m̀ sṳ́錢。Liá he難得ke學習機會，做得學著ngióng pân辦活動，ngióng pân照顧人，ngióng pân用客話then sú人。

　　「貓裏傳奇——苗栗文藝講客夏令營」活動時間he七月十號to七月十四號、七月二十四號to七月二十八號，「小小記者講客暑期夏令營」活動時間he八月七號to八月十一號、八月二十一號to八月二十五號，歡迎大家報名參加，共下挑戰辦營隊。


報名網址：
https://docs.google.com/....../1FAIpQLSdaxtYo....../viewform