《客家消息》

 | | | 轉寄

轉載：臺灣客語語料庫試用版上線

作者 2022.01.02

　　客語數位化，臺灣客語語料庫試用版上線了！客家委員會tui 106年開始建置臺灣客語語料庫，to今既經收錄超過600萬字（含書面、口語）客語語料，語料庫系統ti十二月二十四號正式上線開放各界試用，客委會副主任委員鍾孔炤表示，客語數位化ke語料庫，m̀-tân-chhiang 做得then-sú客話研究lâu教學，me做得運用to日常生活，pûn學客變to當簡單，歡迎大家多多利用！

　　臺灣客語語料庫試用版上線記者會，由國立政治大學英國語語文學系教授賴惠玲親自示範ngiong-è線上使用「臺灣客語語料庫試用版」，希望大家共下利用liá-teû超過600萬字（含書面、口語）ke珍貴客語語料，做還啊多元面向ke應用，另外，liá-pái lâu語料庫結合人工智慧技術ke團隊「華碩雲端有限公司」吳漢章總經理指出，語音資料庫盡大ke特色he，yû各腔各調客話語音辨識lâu語音合成語料，未來做得結合人工智慧技術，發展客語數位應用，pûn客語迎接時代潮流。

　　客委會表示，客委會委託國立政治大學規劃建置「臺灣客語語料庫」，以全臺灣客語書寫ke文本、發音內容作為語料來源。在書面語料方面，蒐羅既經出版lâu對外發表ke書面文本，me盤點臺灣tui過去tolia2-ha既經出版ke各種珍貴客語出版品；口語語料部分，來源包含電視節目，lâu由執行團隊親自採錄ke客語口說內容，比將講：訪談、演講、日常生活對話、故事liá-teû。另外，語料蒐整工作me請當多客語薪傳師then-sú，共下為保存客話盡一份心力。語料庫收錄ke語料tu經過轉寫（轉檔），lâu請專家進行文字校訂，me由系統斷詞；口語語料，yû ko經過專家人工聽音檔、標記時間碼，好pûn系統辨識lâu串接語料文字同音訊區段。

　　臺灣客語語料庫系統yû多項功能，第一，資料視覺化lâu多媒體展示，ti入口網頁設置客語常用詞文字雲、客語特色詞彙展示，lâu相關資訊視覺化，方便民眾快速瀏覽客語常用詞彙；同時設yû「口語人物誌」，以多媒體形式展示本語料庫所收錄ke口語語料。第二，語言典藏lâu保存，透過書面語料lâu口語語料ke蒐集，完成臺灣客語六腔（四縣、海陸、大埔、饒平、詔安、南四縣）ke基礎保存，保存語言資產、展現語言多樣性、記錄語言生命。第三，教學研究lâu數位化應用，語料檢索系統lâu客語斷詞同詞性標注器ke設置，m̀-tân-chhiang 做得作為客話學術研究、教學推廣使用，me做得完成臺灣客語ke數位接軌，建立語言資料lâu資訊科技介接ke管道，提供大數據分析能力，提供臺灣客語數位應用ke重要素材。

　　另外，跈等數位時代ke來臨，客委會在臺灣客語語料庫基礎之上，進一步規劃並建置「臺灣客語語音資料庫」，由華碩雲端股份有限公司執行團隊以分年分階段逐步執行，語音資料庫盡大ke特色he kì yû各腔各調客話語音辨識lâu語音合成語料，未來做得結合人工智慧技術，發展客語數位應用，歡迎大家點選連結：https://corpus.hakka.gov.tw/ 共下泅入珍貴ke客語資料雲海，迎接全新客話時代。