《客家消息》

 | | | 轉寄

轉載：三義新書《沙鼻慢城》

作者 2021.12.05

　　苗栗縣三義鄉公所長期致力客家文化推廣lâu教育傳承，邀請在地女兒彭歲玲主筆，以主題「國際慢城——友善客庄」，邀請客庄ke十二儕學生仔來共下創作，用小城故事lâu國際慢城ke軌跡，鋪陳三叉河多元yu精彩ke客庄文化，liá套「沙鼻慢城」he一部客英雙語ke QR-CODE有聲書，pûn細人仔學講客lâu英文，ya then-sú客家語言lâu文化提升國際化。客語書名「沙鼻」he華語「得意驕傲」的ke意思，「沙鼻慢城」一書，he liá十二儕細人仔，共下創作ke四隻故事，自家寫自家ke家鄉ke人文地景，包含：「三叉河ke寶藏」——細人仔以魚仔ke立場來思考、「石虎採藥記」——細人仔以三義石虎lâu火炎山為主題，展開天馬行空ke創作、「龍的故鄉」——告誡做m̀得沉迷網路，oi關心細人仔，取材內容he三義有雲火龍，龍神he客人所敬仰、「網紅直播大賽」帶大家認識三義名勝，另外也反映現今網路世界ke難料想lâu快速變動。從細人仔角度來看自家故鄉三義，身在三義當幸福ya當沙鼻。
買書電話(三義圖書館)：037-876842轉24 吳小姐