《客家消息》

 | | | 轉寄

轉載：客庄券2.0來lio！

作者 2021.09.26

　　客家委員會九月十四號率先召開「客庄券2.0專案」記者會，由客委會副主任委員鍾孔炤，說明本次客庄券抽籤lâu使用方式，me相信會帶動大家來客庄消費，提升客庄在地社區經濟總體產值超過十六億銀元，為客庄產業發展注入強心針。

　　為配合行政院振興經濟，客委會加碼推辦客庄券2.0，鍾副主委說明，liá-pái編列特別預算兩億元，規劃提供四十萬份數位客庄劵(每份面額五百銀元)。發放份數比去年客庄券1.0增加十二萬份，目的he鼓勵大家來客庄liau，，享受好山、好水、好人情味、慢行、慢食、慢活ke客庄生活lâu文化，除忒做得振興客庄在地經濟；me pûn客庄地區ke店，面對疫情嚴峻、人潮減少時，感受著客委會一直都會在ke燒暖。

　　大家tui今年九月二十二號起勢，ti行政院五倍券共通平台領取振興時就做得參加抽籤，統一由共通平台發送中籤簡訊，中籤名單會公布在振興五倍券官網，在完成抽籤作業後，由客委會發券lâu招募店家。

　　大家用手機仔中籤票劵掃碼消費，逐擺照實際消費金額扣錢，五銀元、十銀元ya 做得消費「花幾多、扣幾多」，民眾方便用券，零售商店me做得提高銷售機會，liá-pái以Give Me 5互相鼓勵ke溫馨意涵，邀請大家帶著票券to客庄共下來消費，在對抗疫情ke大壓力下，pûn自家透口氣，也做得互相加油打氣、互相支持鼓勵。

　　客委會預計tui十月八號開始，招募全國十一ke縣市七十隻客家文化重點發展區，兩千家以上合法登記、yû稅籍ke餐廳、民宿lâu社區ke零售商店liá-teû在地店家 （不限業別，m̀-ko mò百貨公司、量販店lâu全國性連鎖商店liá-teû）。

　　記者會現場ya邀請著「2020客家小炒全國爭霸賽」獲獎餐廳鴻金食堂負責人曾鴻翊、新竹北埔哈客愛食品負責人莊碧芳lâu店長林政郁、高雄美濃廟口粄條負責人廖浩鈞liá-teû業者，說明舊年參加客庄券1.0 ke好成果，邀請全國七十隻客家文化重點區在地店家，共下申請加入客庄券2.0店家行列。

　　另外，針對現場yû媒體提問客庄券2.0 he數位券，yû數位落差問題mò？鍾副主委表示，客庄券配合五倍券加碼，希望後生人帶等老嫩大細共下去客庄旅遊消費，在抽籤、申請lâu使用上，年輕人then-sú老人家，舊年大家既經yû客庄券1.0ke使用經驗，相信大家做得還kha順手。

　　有關「客庄券2.0」活動，不定期發布訊息ti客委會全球資訊網，pûn大家yû第一手資訊。