《客語白話字聖經試讀版》

| | | 轉寄

Mâ-thai Fuk-yîm, Thi-4-chông_1, Yâ-sû Su Sṳ-tham

4:1 Chhai ke-sṳ̀ Yâ-sû pûn Sṳn-Lìn tai ngi̍p-hi khóng-yâ su mò-kúi ke sṳ-tham.
4:2 Kim-sṳ̍t si-sṳ̍p ngit-ya heu,Yâ-sû chhiu tú-kî.
4:3 Sṳ-tham-chá chhiu lòi tui Kì kóng : “Ngì ká-sṳ́ he Song-ti ke Chṳ́, chhiu min-lin liá-teû sa̍k-theù pien-cho piáng.”
4:4 Yâ-sû en kóng : “ Sṳn-kîn ki-chai kóng : ‘Ngìn ke sên-chhùn m̀-he tân-chhiang khau piáng, he khau Song-ti só kóng ke tak-ki fa.’ ”
4:5 Mô-kúi chhiu tai Kì ngi̍p sṳn-sâng,ham Kì liù chhai sṳn-thien chui-kô ke só-chhai,
4:6 tui Kì kóng : “Ngì ká-sṳ́ he Song-ti ke Chṳ́, chhṳ-kâ thiau hâ-hi ! Yîn-vi Sṳn-kîn yû ki-chai kóng : “Chú vi-chho̍k Ngì oi min-lin Kì ke chung sṳ́-chá,yung kì-teû ke sú fù- chhṳ̀ Ngì,sṳ́ Ngì-ke kiok m̀ voi thet-tó sa̍k-theù. ”
4:7 Yâ-sû tui kì kóng, Sṳn-kîn ya yû ki-chai kóng : ‘M̀ hó sṳ-tham Chú, ngì-ke Song- ti. ’ ”
4:8 Mô-kúi yu tai Yâ-sû to yit-chho chhin kô ke sân, pûn Kì khon sṳ-kie só yû ke koet, pin kì-teû ke yùng-fà fu kui;
4:9 chhiu tui Kì kóng : “Ngì ká-sṳ́ khúi hâ-lòi pai ngài, liá-teû ngài chhiu oi chhiòn- phu pûn Ngì. ”
4:10 Yâ-sû chhiu tui kì kóng : “Sat-tan sám khôi ! Yîn-vi Sṳn-kîn yû ki-chai kóng : ‘Ngì oi pai Chú, ngì-ke Song-ti, thu̍k-thu̍k sṳ-fung Kì. ’ ”
4:11 Ke-sṳ̀ mò-kúi chhiu lì-khôi Yâ-sû; yû sṳ-chá lòi sṳ-fung Kì.