《客語白話字聖經試讀版》

 | | | 轉寄

Yok-hon Fuk-yîm, Thi-16-chông_3 Yàng-ko Sṳ-kie

作者 Hak-ngî Sṳn-kîn 2009.07.19

約 16:25 “Ngài tui ngì-teû yung pí-yi kóng liá-teû sṳ; Chúng-he sṳ̀-heu voi to lé, Ngài chhiu mò chai yung pí-yi lâu ngì-teû kóng,he-oi mìn-mìn chiông Â-pâ ke sṳ lâu ngì-teû kóng.
約 16:26 Chhai ke-ngit, ngì-teû oi chhâi Ngài-ke miàng lòi khiù; Ngài m̀-he lâu ngì-teû kóng, Ngài oi vi-chho̍k ngì-teû khiù Â-pâ,
約 16:27 Yîn-vi Â-pâ chhṳ-kâ oi-siak ngì-teû, yîn-vi ngì-teû ya oi-siak Ngài, ya sin Ngài he chhiùng Â-pâ ke-vi chhut-lòi ke.
約 16:28 Ngài chhiùng Â-pâ ke-vi lòi-to liá sṳ-kie; liá-ha Ngài oi lì-khôi liá sṳ-kie, chón-hi Â-pâ ke-vi hi.”
約 16:29 Kiâ mùn-thù kóng: “Khon â ! Liá-ha Ngì he mìn-mìn kóng, mò yung mak-ke pí-yi.
約 16:30 Liá-ha ngài-teû tî Ngì he vù-só-put-tî, mò sî-yeu ngìn tui Ngì kóng chhut kì-ke mun-thì; chhiùng án-ngiòng ngài-teû chhiu sin Ngì he chhiùng Song-chú ke-vi chhut-lòi ke.”
約 16:31 Yâ-sû en kì-teû kóng: “Ngì-teû liá-ha chang sin mâ?
約 16:32 Khon â! Sṳ̀-heu oi to lé, ngì-teû oi fûn-san chhai kok-ngìn chhṳ-kâ ke thi-fông, liù-hâ Ngài chhṳ-kâ yit-sà, chúng-he Ngài ya m̀-he kû-tân, yîn-vi Â-pâ lâu Ngài thùng-chhai.
約 16:33 Ngài lâu ngì-teû kóng liá-teû fa, sṳ́ ngì-teû sâng chhai Ngài tî-poi tet-tó phìn-ôn. Chhai sṳ-kiên ngì-teû yû kân-khú; chúng-he ngì-teû oi yúng-kám, Ngài ya yàng-ko liá sṳ-kiên lé.”