《客語白話字聖經試讀版》

| | | 轉寄

Yok-hon Fuk-yîm, Thi-14-chông_2 Yin-hí Sṳn-Lìn ke Pông-chhu

約 14:15 Ngì-teû ká-sṳ́ oi Ngài, chhiu pit-yèn chûn-sú Ngài-ke min-lin.
約 14:16 Ngài oi khiù Â-pâ, Kì chhiu-oi nang-ngoi su ngì-teû yit-vi Pông-chhu-chá, sṳ́-tó Kì hó lâu ngì-teû thùng-chhai chhṳ̍t-to yún-kiú, chhiu-he chṳ̂n-lî ke Sṳn-Lìn.
約 14:17 Sṳ-kiên-ngìn put-nèn chiap-na̍p Kì; yîn-vi mò khon-tó Kì, ya m̀-sṳt Kì; ngì-teû sṳt Kì; yîn-vi Kì lâu ngì-teû thùng-chhai, ya-oi chhai ngì-teû sâng-miang-chûng.
約 14:18 Ngài yit-thin m̀-voi piong-thet ngì-teû cho kû-yì; Ngài voi to-chón-lòi ngì-teû liá-vi.
約 14:19 Kâ mò kí-kiú, sṳ-kiên-ngìn chhiu khon Ngài m̀ tó; thu̍k-he ngì-teû khon-tó Ngài, yîn-vi Ngài ki-siu̍k sâng-tén, ngì-teû ya-voi sâng-tén.
約 14:20 Chhai ke-ngit lòi-to, ngì-teû chhiu tî Ngài he chhai Ngâ Â-pâ tî-poi, ngì-teû ya chhai Ngài tî-poi, Ngài ya chhai ngì-teû ke sâng-miang-chûng yit-yong.
約 14:21 Fàm chiap-su Ngâ min-lin yu chûn-sú ke ngìn, liá-ke ngìn chhiu-he oi Ngài, chúng-he ngìn oi-siak Ngài, kì ya yit-thin pûn Ngâ Â-pâ só oi-siak, Ngài ya pit oi-siak kì, yu oi chiông chhṳ-kâ tui kì hién-hien.
約 14:22 Yù-thai ( m̀-he Kâ-lio̍k-ngìn Yù-thai ) chhiu lâu Yâ-sû kóng: “Chú â ! Ngióng-pân chṳ́-yû tui ngài-teû hién-hien, m̀ tui sṳ-kiên-ngìn hién-hien nè?”
約 14:23 Yâ-sû en kì kóng: “Na oi-siak Ngài-ke ngìn, kì chhiu pit chûn-sú Ngài-ke tho; Ngâ Â-pâ ya pit oi-siak kì, Ngài-teû pit-oi lòi chhiu-khiun kì, lâu kì khiung-ha he̍t.”
約 14:24 M̀ oi-siak Ngài-ke ngìn, kì chhiu m̀ chûn-sú Ngài-ke fa; chúng-he ngì-teû só thèn ke tho m̀-he Ngài-ke yi-sṳ, he chhâi-khién Ngâ Â-pâ ke tho.
約 14:25 Ngài lâu ngì-teû thùng-chhai sṳ̀, chhiu-yû hiong ngì-teû kóng liá-teû fa.
約 14:26 Chúng-he ke Pông-chhu-chá chhiu-he Sṳn-Lìn, he Â-pâ yîn-vi Ngài-ke miàng só oi chhâi-lòi ke Sṳn-Lìn, Kì pit chiông só-yû ke sṳ lòi kau-thô ngì-teû, sṳ́ ngì-teû ki-tet só-yû Ngài hiong ngì-teû kóng-ko ke fa.
約 14:27 Ngài chiông phìn-ôn liù pûn ngì-teû, Ngài chiông Ngài-ke phìn-ôn su pûn ngì-teû, Ngài pûn ngì-teû ke, m̀-he chhiong sṳ-kie só pûn ngì-teû ke án-ngiòng, ngì-teû m̀-sṳ́ seù, ya m̀-sṳ́ kiâng.
約 14:28 Ngì-teû thâng Ngài kóng ko: “Ngài hi, hàn-oi to-chón-lòi chhiu-khiun ngì-teû. Ngì-teû ká-sṳ́ yû oi-siak Ngài, chhiu pit fôn-hí Ngài chón-hi Ngâ Â-pâ ke-vi; yîn-vi Â-pâ pí Ngài kha thai.”
約 14:29 Ngài chhai liá-ke sṳ màng fat-sên yî-chhièn, siên lâu ngì-teû kóng, sṳ́-tó sṳ fat-sên ke sṳ̀ ngì-teû chhiu-voi sin.
約 14:30 Ngài liá-ha m̀ lâu ngì-teû kâ-kóng, yîn-vi liá sṳ-kie ke thúng-chhṳ-chá voi lòi lé; kì tui Ngài lòi kóng ya mò son-mak-ke.
約 14:31 Thu̍k-thu̍k he sṳ́-tó sṳ-kiên-ngìn voi tî Ngài oi-siak Â-pâ, ya cheu Â-pâ só min-lin Ngài mak-ke, Ngài chhiu án-ngiòng hàng. Hong-hí-lòi, ên-teû lòi hi.