《客語白話字聖經試讀版》

 | | | 轉寄

Yok-hon Fuk-yîm, Thi-11-chông_1 Lâ-sat-lu ke Sí

作者 Hak-ngî Sṳn-kîn 2009.02.22

約 11:1 Yû yit-ke pot-phiang ke ngìn he̍t chhai Pak-thai-nì, miàng ôn-to Lâ-sat-lu, liá-vi chhiu-he Mâ-li-â lâu kì-ke â-chí Mâ-thai he̍t ke chhûn-chông.
約 11:2 (Mâ-li-â yung hiông-yù kò Chú ke kiok, pin yung chhṳ-kâ ke theù-nà-mô chhu̍t-châu; kì-ke ló-thâi Lâ-sat-lu yû pot-phiang.)
約 11:3 Ke lióng chí-moi chhiu ham ngìn hi lâu Chú kóng: “Chú â, Ngì só oi-siak ke phèn-yû pot-phiang lé.”
約 11:4 Yâ-sû thâng-tó chhiu kóng: “Lâ-sat-lu m̀-voi yîn-vi liá-ke phiang lòi sí, liá-ke sṳ fat-sên he-oi yùng-kông Song-chú, sṳ́-tó Song-chú ke Lai-é yîn-vi liá-ke lòi tet-tó yùng-kông.”
約 11:5 Mâ-thai pin kiâ ló-moi, lâu Lâ-sat-lu he Yâ-sû só oi-siak ke.
約 11:6 Thâng-tó Lâ-sat-lu pot-phiang ke sṳ, yu chhai só he̍t ke thi-fông thìn lióng-ngit kiú.
約 11:7 Yèn-heu chhiu tui mùn-thù kóng : “Ngài-teû to-chón-hi Yù-thai.”
約 11:8 Mùn-thù tui Kì kóng: “Sîn-sâng, Yù-thai-ngìn chhièn mò kí-kiú chang sióng-oi nâ sa̍k-theù te̍p Ngì; Ngì hàn-oi chai hi ke-vi mâ?”
約 11:9 Yâ-sû en kóng : “Ngit-sṳ̀-theù kám-kóng m̀-he yû sṳ̍p-ngi tiám-chûng mâ? Ngìn ki-yèn chhai ngit-sṳ̀-theù hàng-lu, chhiu m̀-voi tiet-tó, yîn-vi khon-tó liá sṳ-kiên ke kông;
約 11:10 M̀-ku ngìn ká-sṳ́ chhai am-pû-theù hàng-lu, chhiu-voi tiet-tó, yîn-vi kì mò kông.”
約 11:11 Yâ-sû kóng liá-teû fa heu, yu tui kì-teû kóng: “Ngài-teû ke phèn-yû Lâ-sat-lu soi-thet-lé; Ngài lòi hi ham kì siáng.”
約 11:12 Mùn-thù chhiu tui Kì kóng: “Chú â ! Ki-yèn kì he soi-thet-lé, chhiu-voi hó-hí-lòi.”
約 11:13 Khì-sṳ̍t,Yâ-sû he kóng Lâ-sat-lu yí-kîn sí-thet; m̀-ku kì-teû sióng cho he kóng kì phìn-sòng ke soi-muk.
約 11:14 Yâ-sû mìn-mìn chhiu lâu kì-teû kóng : “Lâ-sat-lu yí-kîn sí lé.
約 11:15 Ngài vi ngì-teû fôn-hí, yîn-vi Ngài mò chhai ke-vi; án-ngiòng, ngì-teû chhiu-voi sin. Liá-ha, ngài-teû lòi hi kì ke-vi”.
約 11:16 Tô-mâ (chhṳ̂n-cho Sûng-sâng-é ke), tui khì-thâ mùn-thù kóng : “Ngài-teû ya khiung-ha lòi hi,hó thùng sîn-sâng khiung-ha sí.”