《客語白話字聖經試讀版》

 | | | 轉寄

Mâ-khó Fuk-yîm thi 6 chông_01 Nâ-sat-le̍t-ngìn Khî-chhie̍t Yâ-sû

作者 Hak-ngî Sṳn-kîn 2014.02.16

6:1 Yâ-sû chhiùng ke thi-fông lì-khôi, lòi-to chhṳ-kâ ke kâ-hiông; Kiâ mùn-thù thèn-tén Kì.

6:2 To Ôn-sit-ngit, Yâ-sû chhai fi-thòng kau-hiun ngìn. Yû chhin tô ngìn thâng-tó Kì-ke fa chhiu kám-kok khì-koai, kóng : “Liá-ke ngìn chhiùng nai-vi tet-tó liá-teû pún-sṳ nò? Má-ngìn pûn Kì liá-ke chṳ-fi nò? Mò sióng-tó Kì hàn voi hàng sṳ̀n-chiak ô !

6:3 Liá-ke ngìn chhièn m̀-he muk-siong? Chhiu-he Mâ-li-â ke Lai-é, Ngâ-kok, Yok-sit, Yù-thai, lâu Sî-mùn ke â-kô mâ? Kì-ke ló-moi chhièn m̀-he he̍t chhai ngài-teû liá-vi mâ?” Kì-teû chhiu khî-chhie̍t Kì.

6:4 Yâ-sû lâu kì-teû kóng : “Siên-tî chhù-liáu chhai chhṳ-kâ ke pún-thi, lâu chhṳ-kâ ke pún-chhu̍k lâu pún-kâ yî-ngoi, mò m̀ tet chûn-kin ke.”

6:5 Yâ-sû chhai ke thi-fông hàng sṳ̀n-chiak m̀-tet, tân-tân on-sú chhai yit-teû phiang-ngìn ke sṳ̂n-song, lòi yî-hó kì-teû.

6:6 Yîn-vi chung-ngìn m̀ sin, Yâ-sû chhiu kám-kok khì-koai. Kì ki-siu̍k chhai fu-khiun tak-ke chhûn-chông lòi kau-hiun ngìn.