《客語白話字聖經試讀版》

| | | 轉寄

Mâ-thai Fuk-yîm, Thi 10 chông_3, Chiông-lòi ke Pet-hoi

10:16 “Ngì-teû oi thâng-hó ! Ngâi phai ngì-teû chhut-hi, chhiong yòng chhai lòng-khiùn tông-chûng. Só-yî,ngì-teû oi chhiong sà án chîn-lìn, chhiong ngie̍t-kap-è án vûn-yù.
10:17 Oi se-ngi,yîn-vi kì-teû chiông-oi chhai ngi-fi chhut-mai ngì-teû, piên-tá ngì-teû;
10:18 ngì-teû vi-chho̍k Ngài-ke yèn-ku, chiông-oi pûn-ngìn sung-to ke-teû liâng-siu lâu kiûn-vòng mien-chhièn hi su sṳ́m-phan, lòi hiong kì-teû lâu Ngoi-pâng-ngìn cho kien-chṳn.
10:19 Kì- teû chhut-mai ngì-teû ke sṳ̀-heu, m̀-sṳ́ seù oi ngióng-pân kóng, fe̍t kóng mak-ke fa; yîn-vi chhai ke-sṳ̀ Song-ti yit-thin voi chṳ́-sṳ ngì-teû yin-tông kóng ke fa.
10:20 yîn-vi ngì-teû kóng ke fa m̀-he chhṳ-kâ ke fa, he ngì-teû Thiên-fu ke Sṳn-Lìn oi chia-chho̍k ngi-teû kóng ke.
10:21 “Hiûng-thi chiông-oi chhut-mai hiûng-thi lòi chhṳ̀ sí kì-teû, â-pâ ya oi chhut-mai chṳ́-ńg: chṳ́-ńg ya oi thùng yà-ôi chok-tui lòi hoi-sí kì-teû.
10:22 Ngì-teû pit-thin vi-chho̍k Ngài, pûn chung-ngìn yen-hen; chúng-he ngiûn-nai to-tái ke ngìn, kì-teû chhiu thin-chho̍k voi tet-kiu.
10:23 Kì-teû na-he chhai liá-ke sàng pet-hoi ngì-teû, ngì-teû chhiu thò-cheú hi phe̍t-ke sàng. Yîn-vi Ngài sṳ̍t-chhai lâu ngì-teû kóng, Yî-set-lie̍t ke sàng-sṳ ngì-teû hàn-màng cheú-theu, Ngìn-chṳ́ chhiu siên lòi-to lè.
10:24 “Mùn-thù m̀-voi thai ko sîn-sâng, nù-phu̍k ya m̀-voi pí kì-ke chú-ngìn kha thai.
10:25 Yîn-vi án-ngiòng, mùn-thù voi chhiong kì-ke sîn-sâng, nù-phu̍k voi chhiong kì-ke chú-ngìn, chhiu oi tî-chiuk. Na-he yit kâ chṳ̂ chú pûn-ngìn khon-cho kúi-vòng Phe̍t-sî-puk, vuk-hâ khì-thâ ke ngìn kám m̀-he oi su kien-thai ke vú-yu̍k mâ!