《客語白話字聖經試讀版》

 | | | 轉寄

Mâ-thai Fuk-yîm, Thi-8-chông_2, Yâ-sû Yî-hó Lò-mâ Kiûn-kôn ke Phu̍k-ngìn

作者 Hak-ngî Sṳn-kîn 2010.09.05

8:5 Yâ-sû lòi-to Kâ-pak-nùng, yû yit ke Lò-mâ kiûn-kôn chhiu lòi khiù Kì kóng :
8:6 “Chú â, ngài ke phu̍k-ngìn pot thân-fûng, soi chhai vuk-tú, fî-sòng kân-khú .”
8:7 Yâ-sû lâu kì kóng : “Ngài lòi hi yî-hó kì.”
8:8 Ke kiûn-kôn en kóng: “Chú- â, Ngì hi ngài vuk-hâ, ngài tông m̀ hí; Ngì tân-tân kóng yit ki fa, ngài ke phu̍k-ngìn chhiu voi hó.
8:9 Yîn-vi chhiu-chhiong ngài táng-kô yû chṳ́-fî-kôn,hâ-poi ya yû su ngài chṳ́-fî ke pîn-é. Ngài min-lin liá-ke pîn-é hi, kì chhiu hi; min-lin phie̍t-ke pîn-é lòi , kì chhiu lòi; tui ngài ke phu̍k-ngìn kóng ‘cho liá-ke sṳ,’ kì chhiu cho liá-ke sṳ.”
8:10 Yâ-sû thâng-tó liá-ke fa chhiu fî-sòng hî-khì, tui thèn Kì ke ngìn kóng : “Ngài sṳ̍t-chhai lâu ngì-teû kóng,Ngài chhai Yî-set-lie̍t-ngìn chṳ̂-chûng, màng-sṳt khon-tó án-ngiòng yû sin-sîm ke ngìn.
8:11 Ngài lâu ngì-teû kóng ,chiông-lòi pit-thin yû chhin-tô ngìn tui tûng tu sî lòi, lâu Â-pak-lâ-hón, Yi-sat, Ngâ-kok khiung-ha chhô chhai Thiên-koet.”
8:12 Thiên-koet ke chṳ́-mìn, yit-thin voi pûn ngìn kiuk-chhut to ngoi-poi ke vû-am-tú; chhai ke-vi yit-thin voi keu,ngâu-ngà chhiet-chhṳ́.”
8:13 Yâ-sû chhiu lâu ke kiûn-kôn kóng : “Ngì chón hi, cheu ngì yû ke sin-sîm, cheu ngì ke sin-sîm sṳ̀n-chhiòn ngì.” Kiâ phu̍k-ngìn ke phiang chit-sṳ̀ chhiu yî-hó lè.